VOV4.Sêdang - Khu kăn pơkuâ hnê ngăn Đảng kong pơlê Kon Tum pêi cheăng ƀă khu kăn Đảng tơring Ngọc Hồi. A rôh pêi cheăng, Khu kăn Đảng tơring Ngọc Hồi pâ thế Khu kăn Đảng kong pơlê Kon Tum pơtối pơkâ nhên tơring Ngọc Hồi rơtế ƀă Kơpong cheăng kâ tíu tê mơdró tơkăng kong lâp plâi tơnêi Bờ Y cho môi tung mâu kơpong cheăng kâ xiâm dêi kong pơlê vâ mơnhông cheăng kâ, kum tơring châ tơ’mot mâu khu cheăng kâ ‘no liăn pêi chiâk tê mơdró, mơnhông pro tơmeăm khoăng cheăng kâ rêh ối, ‘mâi mơnhông tơring châ mơnhên tối cho kơphô̆ túa ki má 4.

Tối mơgêi a rôh pêi cheăng, pôa Dương Văn Trang, Kăn pơkuâ hnê ngăn Đảng kong pơlê Kon Tum pơkâ thế tơring Ngọc Hồi tí tăng ‘nâi plĕng troăng hơlâ vâ tơkâ luâ xơpá tung mơnhông cheăng kâ rêh ối; tơmâng khât tơdroăng mơnhông pêi chiâk deăng xúa kơmăi ki dâi lĕm, hơ’leh hdrê loăng plâi kâ ăm tơtro ƀă hyôh kong prâi, tơnêi tơníu  dêi kong pơlê; seá ngăn tơdroăng po rơdâ tơnêi pêt loăng mắc ca vâ mơnhông cheăng kâ; kăn hnê mơhno ‘mâi mơnhông vâ 5 to cheăm châ mơnhên tối thôn pơlê nếo pơtối châ tối cho thôn pơlê nếo mơdêk cheăm thôn pơlê nếo tiô túa. 

Gương tơplôu ƀă tơbleăng