VOV4.Sêdang - Khu kăn ki pêi dêi hnoăng cheăng kơxô̆ 3 dêi Vi ƀan tâ phĭu kong pơlê Lâm Đồng hiăng lăm séa ngăn hnoăng cheăng hbrâ ăm rôh tâ phĭu a tơring Dam Rông. Tối tơbleăng ăm Khu kăn ki pêi dêi hnoăng cheăng kơxô̆ 3, Vi ƀan tâ phĭu tơring Dam Rông ăm ‘nâi: Troh nôkố, mâu tơdroăng ki xiâm dêi hnoăng cheăng hbrâ ăm tâ phĭu pôk kăn Kuô̆k hô̆i ƀă Hô̆i đong hnê ngăn rêm râ, hơnăm 2021 – 2026 a tơring hiăng klêi tro tiô pơkâ mơ’no.

Nôkố, tơring pơtối tơbleăng pêi pro tơdroăng ki mơjiâng, pơkâ inâi kuăn pơlê ƀă tơbleăng inâi ki ai khât ‘na mâu ngế ki tơbriât pro kăn Kuô̆k hô̆i ƀă Hô̆i đong hnê ngăn rêm râ ƀă kế tơmeăm kum ăm hâi pêi cheăng tâ phĭu. Hdrối mê, Khu kăn ki pêi dêi hnoăng cheăng kơxô̆ 3, Vi ƀan tâ phĭu kong pơlê hiăng séa ngăn tơdroăng cheăng hbrâ ăm rôh tâ phĭu a mâu tôh tâ phĭu tơring.

Katarina Nga tơplôu ƀă tơbleăng