VOV4.Sêdang - Kơxo lơ 1/6, Khu xiâm pơkuâ ngăn lêng tơkŭm po hneăng hôp ‘no tơdrêng tung um tơvi tâi tâng mâu lêng tơbleăng hnoăng cheăng pêi, troăng hơlâ pêi tơdrêng tung hbrâ mơdât pơreăng COVID-19 tung lêng ta troh 187 tíu mơ’no tơdrêng. Rôh pơreăng tâ tu má 4 kố, mâu đông lêng hiăng ăm tơ’nôm 1 rơpâu ngế veăng kring gak a Bắc Ninh ƀă Bắc Giang, tung mê, ai mâu khu ki khăm ngăn mơheăm lăm troh ukố umê ƀă 43 tôh xo mơheăm.

Xuân a Bắc Ninh, Bắc Giang, Khu xiâm pơkuâ ngăn lêng hiăng tơbleăng 3 hngêi pơkeăng lêng ki pơlât pơreăng tâ tú pơlât pơreăng COVID-19, hiăng xo pơlât 641 ngế. Sap apoăng hơnăm troh nôkố, mâu Kuân khu, Khu xiâm pơkuâ ngăn lêng mâu kong pơlê pơlê kong kân hbrâ tơbleăng mâu troăng hơlâ hbrâ mơdât ƀă veăng kum mâu kong pơlê hbrâ mơdât pơreăng.

Khu xiâm pơkuâ ngăn lêng dế pơtối rak vế pêi pro 1.906 tíu gak ngăn ƀă lối 12 rơpâu 800 ngế vâ séa ngăn a troăng tơkăng kong, mơdât mâu ngế ki mot hmâng vâ. Ing apoăng khế 5 troh nôkố, mâu tôh tơrŭm gak ngăn, tíu tơkăng kong hiăng pơtroh ăm kong pơlê klâ krê vâ chê 5 rơpâu ngế, tung mê, châ ‘nâi ai 1.800 ngế mot hmâng vâ, ki hên a troăng tơkăng kong ƀă kong têa Kul ƀă Sinuâ.

Gương tơplôu ƀă tơbleăng