VOV4.Sêdang - Tơmiât troh leh tơbâ 90 hơnăm hâi mơjiâng Đoân droh rơtăm Kŏng san Hồ Chí Minh, kơxo lơ 18/3, Kơ koan xiâm kal kí khu lêng kuăn pơlê Việt Nam tơkŭm po Leh tơbâ mơ’no tơdrêng tung um tơvi hâi mơjiâng Đoân droh rơtăm Kŏng san Hồ Chí Minh, kheăn kơdeăn kăn ƀô̆ Đoân Droh rơtăm ki kơhnâ rơkê hneăng hơnăm 2016 – 2020 ƀă ngiâ meá hơnăm ối nếo lâp khu lêng hơnăm 2020.

Mơnhên mâu tơdroăng veăng kum kân kĭn dêi khu kăn ƀô̆ đoân pôu râng hnoăng cheăng droh rơtăm tung pơla kố nah, a leh tơbâ, Kơ koan xiâm kal kí diâp ƀâng kheăn kơdeăn ăm 90 ngế kăn ƀô̆ đoân, kăn ƀô̆ pôu râng hnoăng cheăng droh rơtăm kơhnâ rơkê hneăng hơnăm 2016 – 2020 tung tâi tâng khu lêng ƀă diâp ƀâng kheăn kơdeăn ăm 18 ngế hơnăm ối nếo kơhnâ rơkê tung lâp khu lêng hơnăm 2020.

Hdrối mê, Ngế xiâm pơkuâ lêng hiăng diâp ƀâng kheăn kơdeăn ăm 10 ngế hơnăm ối nếo kơhnâ rơkê tung tâi tâng khu lêng.

A Sa Ly tơplôu ƀă tơbleăng