VOV4.Sêdang - Hbrâ rơnó mêi têa lân lu, kŏng ti ngăn on tơhrrik Dak Lak hiăng hbrâ troăng hơlâ vâ ví xía vâ xua kong prâi pro ôh tá tơniăn. Kong prâi hơnăm 2021 tiô tối hdrối kô phá tơ ê ôh tá ‘nâi hdrối, xua mê, Khu ngăn on tơhrik Dak Lak hiăng rĕng hbrâ rơnáu tŭm khu pơkuâ cheăng, Khu vâ pêi mâu tơdroăng hbrâ mơdât ví xiá vâ kong prâi pro ôh tá tơniăn ƀă tŏng xo mơngế xía vâ, xĭng xoăng tơdroăng cheăng ăm tơrêm ngế. 

Kŏng nhân rak ngăn Tiú ‘măn kơmăi biến áp hdrối kong mêi têa lân lu

Pakĭng mê, ối ai mâu Khu lăm troh tơdrêng a mâu tíu ki trâm xía.  Mâu khu ngăn on tơhrrik hbrâ rơnáu tŭm tơmeăm ki kal vâ hbrâ vâ teăm drêng ai tơdroăng. 

Hriâm tâp ‘mâi pro rĕng a troăng kơxái on tơhrik ki tro tơ’nhiê kơtê kơtong klêi ai khía kân plong mot

Nếo achê kố, a cheăm Ƀuôn Triết, tơring Lăk, mâu khu ngăn on tơhrik Dak Lak hiăng tơkŭm po pơtâp hriâm mơdât ví tơdroăng xía vâ, tăng mâu ngế ki xía vâ, kum mơdêk hnoăng cheăng pơkuâ ngăn ƀă teăm pêi pro mâu tơdroăng ki tro drêng ai tơdroăng kong prâi pro ôh tá tơniăn.

Gương tơplôu ƀă tơbleăng