VOV4.Sêdang - Hâi lơ 12/4, a Bo cheăng kong têa Xa Mát, kong pơlê Tây Ninh, khu ki pêi dêi hnoăng cheăng dêi Khu pơkuâ ngăn lêng kong pơlê Lâm Đồng xua Đăi tă Nguyễn Bình Sơn, kăn pơkuâ ngăn lêng kong pơlê pro kăn pơkuâ djâ khu kăn kố hiăng pơtroh kơthô, hbru tơmeăm rơkâu Têt ăm khu pơkuâ ngăn lêng kong pơlê Siem Reap, Kuân khu 4, Khu lêng pơtáu kong têa Kul drêng Têt khôi hmâ Chol Chnam Thmay.

Tung pơla ai pơreăng COVID-19 pro ôh tá tơniăn, túa ki pơcháu, tơdah xo tơmeăm châ péa pâ pêi pro tro tơdroăng, rak tơniăn hbrâ mơdât pơreăng a kpong ki tơdjêp kĭng pơla 2 tơnêi têa. Đăi tă Nguyễn Bình Sơn hiăng diâp kơthô rơkâu Têt khôi hmâ rơtế ƀă mâu kế tơmeăm ƀă pơtroh rơkong rơkâu ki lĕm má môi troh kăn ƀô̆, lêng Khu pơkuâ lêng kong pơlê Siem Reap, Kuân khu 4, Khu lêng pơtáu Kul tơdah Têt khôi hmâ phâi tơtô, sôk suâ, hơniâp ro.

Kat arina Nga t ơplôu ƀ ă t ơble ăng