VOV4.Sêdang - Hâi lơ 24/5, a Hà Nội, pôa Đỗ Văn Chiến, kăn pơkuâ ngăn Tíu xiâm Đảng, kăn hnê ngăn Vi ƀan Măt trâ̆n Tơnêi têa Việt Nam hiăng teăng mâ ƀă diâp kơxô̆ liăn lối 54 rơtal 400 rơtuh liăn sap ing kơxô̆ liăn tơdah xo tŏng kum hbrâ mơdât pơreăng COVID-19 ăm Khu pơkuâ ngăn lêng.

Pôa Đỗ Văn Chiến teăng mâ kuăn pơlê tung lâp tơnêi têa pơtroh rơkong mơnê khât, trâu hngế troh kăn pơkuâ ngăn Tíu xiâm Đảng lêng, Khu xiâm pơkuâ ngăn lêng rơtế ƀă tâi tâng kăn ƀô̆, lêng kring vế tơniăn, malối cho mâu khu lêng ki hiăng veăng kơhnâ, tơƀrê tung hnoăng cheăng hbrâ mơdât pơreăng COVID-19 tung pơla hdrối kố nah vâ rak vế ivá ăm kuăn pơlê, ăm tơnêi têa.

Katarina Nga tơplôu ƀă tơbleăng