Hâi ki apoăng mot tung hơnăm hriâm nếo 2018 – 2019, ai 355 ngế o hok tro Hngêi trung râ má péa Lý Tự Trọng, cheăm Đăk Ka, tơring Ngọc Hồi, kong pơlê Kon Tum châ veăng tung môi rôh po xah hêi ki hơniâp ro, ai inâi ‘’Rơtế [ă  o troh hngêi trung’’ xua Khu râng liăn mơhá Rak ngăn [ă Mơnhông pêt kong dêi kong pơlê Kon Tum tơku\m po.

Phiu ro veăng pêi pro tung khu kơchuâ um dêi lâm 9A pơtroh tối ‘na tơdroăng ki rak ngăn kong kế, tơnêi tíu, kong kế ki chiâng xêh ăm xo ah hmôi tơniăn, o Dương Thị Thùy Dung sôk suâ tơbleăng tối ko [ai dêi khu ‘na um kơchuâ ki ku\n la ai tơdroăng ki pơxúa kân:

‘’Á kơchuâ um ki kố [ă 3 tơdroăng Ki ton nah – Ki nôkố - {ă ki tung xo ah hmôi. Tung pơla ki hiăng ton nah mê kong prâi, kong kế [ă têa pin hiăng drêh ngiât le\m. Mâu kế tơmeăm [ă mâu kuăn kiâ kong rơtế [ă dêi rơpó rêh ối ro rih, xông kân. La tơdroăng hâi kố kuăn mơngế pin hiăng [ă dế pro tơ’nhiê ó khât.

Rêm hâi mâu ngo l^ng [ă mâu rơxế kân ki chơ loăng, mâu idrâp uâ loăng dế uâ, poê loăng tung kong [ă tâng hmôu pơ lôi tiah mê tung xo ah hmôi kong pin kô chiâng ngo l^ng tâi, tơdjâk ‘mêi troh tơdroăng rêh ối xo ah hmôi dêi pin. Xua mê, pin athế rơtế [ă dêi rơpó rak ngăn kong sap ing hâi kố.

Hnoăng cheăng rak ngăn kong ôh ti xê to dêi môi ngế kơbố mê cho dêi tâi tâng rơxông kuăn mơngế, rêm chal, rêm hơnăm pơrá chiâng vâ pêi pro [ă sap ing mâu tơdroăng pêi ki ku\n má môi’’.

Veăng tung tơdroăng tối tơbleăng ăm dêi pó ‘nâi ‘’Rơtế [ă o troh hngêi trung’’ xua Khu râng liăn mơhá Rak ngăn [ă Mơnhông pêt kong dêi kong pơlê Kon Tum tơku\m po, rơtế [ă tơdroăng ki châ tơdah xo to\ng kum lối hr^ng rơpâu kơxop hlá mơ-éa chêh ai in mâu tơdroăng ‘na troăng hơlâ ‘no mơhá liăn ăm tơdroăng rak ngăn kong, ki kal dêi kong [ă tơdroăng rêh ối, mâu vâi o hok tro ối châ veăng pêi pro hên tơdroăng cheăng, môi tiah: kơchuâ um tối tơbleăng tơdroăng ki tơmiât vâ, mơ’no tối mâu tơdroăng ‘na rak ngăn kong, mơhno tối tơdroăng ki hlê ple\ng ‘na kong kế, tơnêi tíu, kong kế ki chiâng xêh ho\ng mâu tơdroăng ki xah ro.

O Bùi Thị Kiều Loan, hok tro lâm 7B Hngêi trung râ má 2 Lý Tự Trọng, cheăm Đăk Kan, tơring Ngọc Hồi phiu ro tối:

‘’Á hlo rôh tơku\m po hâi kố gá ai pơxúa khât, kum á hlê tơ’nôm ‘na tơdroăng ki kơnía git dêi kong. {ă drêng vêh a hngêi á kô tối tơbleăng ăm mâu nôu pâ [ă nâ o pôi tá ko ‘nhiê kong [ă ối a hngêi á kô pêt hên loăng drêh’’.

Rơtế [ă mâu vâi o hok tro, tơdroăng ki phiu ro dêi mâu rôh tối tơbleăng ‘’Rơtế prôk [ă o troh hngêi trung’’ xuân hiăng hlo tơdjâk troh mâu thái cô. Thái Nguyễn Tài Tuệ, Kăn pơkuâ Hngêi trung râ má 2 Lý Tự Trọng tối ‘na tơdroăng tơmiât dêi tơná ‘na tiah kố:

‘’Tơdroăng Rơtế [ă o troh hngêi trung dêi Khu râng liăn mơhá Rak ngăn [ă Mơnhông pêt kong dêi kong pơlê Kon Tum ai péa tơdroăng pơxúa ki kân [ă mâu vâi o hok tro dêi hngêi trung.

Má môi, ho\ng tơdroăng kố, pák^ng thái cô hnê mê mâu vâi o hok tro ối ‘nâi nhên tơ’nôm tơdroăng tiah lâi pin athế rak ngăn kong. Má péa, tơdroăng Rơtế prôk [ă o troh hngêi trung kum ăm mâu vâi o hok tro dêi hngêi trung, malối cho mâu vâi o ki ai tơdroăng rêh ối xơpá mơdêk tơ’nôm tơdroăng vâ mâu vâi o hriâm tâp’’.

Hlo tơ-[rê dêi tơdroăng tối tơbleăng ăm dêi póp ‘nâi Rơtế [ă o troh hngêi trung, apoăng hơnăm hriâm nếo kố Khu râng liăn mơhúa Rak ngăn [ă mơnhông pêt kong dêi kong pơlê Kon Tum hiăng pơkâ po rơdâ tíu ki pêi pro tơdroăng kố.

Tâng môi tiah hơnăm 2017 tơdroăng kố bu châ pêi pro a 105 to hngêi trung dêi 75 to cheăm, pơlê kân ối tung kơpong ki ai tơdroăng rak ngăn kong. Pôa Hồ Thanh Hoàng, kăn pơkuâ Khu râng liăn mơhá Rak ngăn [ă Mơnhông pêt kong dêi kong pơlê Kon Tum ăm ‘nâi:

‘’Tơdroăng tối tơbleăng ăm dêi pó ‘nâi Rơtế [ă o troh hngêi trung hnê hriâm ăm mâu rơxông hơnăm ối nếo ‘na ki hlê ple\ng, pôu râng dêi hnoăng cheăng rak ngăn kong. Tơdrêng a mê hnối ho\ng tơdroăng kố mâu vâi o hiăng pro tơdjâk troh mâu nôu pâ hok tro, thái cô [ă tá pơlê pơla tíu ki ai mâu vâi o rêh ối.

Ing mê mơhnhôk tâi tâng pơlê pơla tơdjuôm ivá rơtế [ă Khu râng liăn mơhá Rak ngăn [ă Mơnhông pêt kong pêi pro tro tro hnoăng cheăng rak ngăn [ă pêt mơjiâng kong [ă troăng hơlâ ‘no mơhá liăn ăm tơdroăng ki rak ngăn kong tung kong pơlê Kon Tum’’.

Khoa Điềm chêh

Katarina Nga tơplôu [ă tơbleăng