VOV4.Sedang - Pêi pro rôh tơbleăng tŏng kum liăn ăm tơdroăng ki hbrâ mơdât pơreăng dêi Vi ƀan xiâm Măt trâ̆n Tơnêi têa Việt Nam, mê kơxê lơ 27/5, Khu tơrŭm Tơnêi têa tơkŭm po leh veăng tơlo liăn kum ăm Khu rak liăn hbrâ mơdât pơreăng COVID-19. Ƀă tơdroăng ki pôu râng, rơtế khŏm mơ-eăm mơdât ƀă tơplâ ƀlêi trâng pơreăng COVID-19, jâ Trương Thị Mai, kăn xiâm khu tơrŭm Tơnêi têa ƀă rêm ngế kăn ƀô̆, mâu ngế pêi cheăng kơ koan Khu tơrŭm Tơnêi têa hiăng veăng kum iâ hlái môi hâi pêi cheăng liăn khế.

Mâu kơ koan Kuô̆k hô̆i tơlo liăn hbrâ mơdât pơreăng Covid 19

Tơpui a rôh leh, pôa Nguyễn Thanh Bình, kăn phŏ tơrŭm Tơnêi têa pơkâ thế mâu kăn ƀô̆, mâu ngế pêi cheăng kơ koan Khu tơrŭm Tơnêi têa pêi pro kơtăng mâu tơdroăng pơkâ ‘na hbrâ mơdât pơreăng COVID-19, rế mơ-eăm pêi klêi mâu hnoăng cheăng kal kí ki châ pơcháu.

Nga tơplôu ƀă tơbleăng