VOV4.Sêdang - Khu xiâm ngăn cheăng pêi, Mô đô̆i rong ƀă Pơlê pơla nếo pơtroh hlá mơ-éa ăm Vi ƀan hnê ngăn mâu kong pơlê, pơlê kong kân râ xiâm tơnêi têa ‘na tơdroăng tơbleăng teăm mâu pơkâ rak ngăn vâi hdrêng kuăn tê xua pơreăng kân COVID-19.

Nôkố, a pơlê kong kân Hồ Chí Minh ƀă mâu kong pơlê, pơlê kong kân hiăng ai lối môi rơpâu vâi hdrêng chiâng kuăn tê. Vâ teăm rak ngăn, păn roăng, kơdroh ki ôh tá mơhúa khéa kho dêi mâu vâi hdrêng, Vi ƀan tơnêi têa ngăn ‘na vâi hdrêng ƀă Khu xiâm ngăn cheăng pêi - Mô đô̆i rong ƀă Pơlê pơla pâ thế Vi ƀan hnê ngăn mâu kong pơlê, pơlê kong kân râ xiâm tơnêi têa hnê mơhno po ngăn kơxô̆, inâi, tơdroăng rêh ối ki nhên; mơhno púi vâ dêi vâi hdrêng ƀă mâu ngế rak ngăn dêi vâi hdrêng vâ ai troăng hơlâ pơkâ tŏng kum teăm tơdrêng, păn roăng hdrối ƀă ton ta ah ƀă mâu khu vâi hdrêng mê a mâu kong pơlê, pơlê kong kân ki ai hên ngế vâi hdrêng kuăn tê xua pơreăng kân COVID-19.

Gương tơplôu ƀă tơbleăng