VOV4.Sêdang -Sap lơ 27/4 mâu hok tro tung lâp tơnêi têa pơxiâm nâp hồ sơ chêh inâi tơ’noăng mơgêi hriâm ƀă séa ngăn điêm vâ rah xo mot hriâm đăi hok, kao đăng hơnăm 2021. Vâ tơ’lêi hlâu ăm hok tro, Khu xiâm ngăn hnê hriâm ƀă hnê mơjiâng tuăn ngôa rơkê tơbleăng kơmăi chêh kô kum tơdroăng ‘na tơ’noăng mơgêi hriâm râ má pái phôh thong, hok tro ƀă nôu pâ hok tro kô chiâng pơtroh email ăm tíu kố: hotrothi2021@moet.gov.vn tung pơla sap hâi lơ 27/4 troh lơ 20/8,  tâng ôh, krếo ƀă phôn râng kŏng tung pơla chôu pêi cheăng tiô kơxô̆ 024.32181386.

Khu xiâm ngăn hnê hriâm ƀă hnê mơjiâng tuăn ngôa rơkê xuân tối pơchân ăm mâu hngêi trung hriâm đăi hok, kao đăng mơjiâng khu kăn vâ tối mơnhên ki tô tuăn tơdjâk troh tơdroăng séa ngăn va rah xo dêi hngêi trung ƀă tơdroăng ki pơkâ tŏng kum tung rah xo mot hriâm. Pakĭng mê, tơbleăng kơxô̆ phôn, email vâ tiâ mơnhên tung trang thŏng tin điê̆n tưh dêi hngêi trung, mâu tơdroăng mơ’no ƀă hlá tơbeăng, tơbleăng tung Rơ’jíu um tơvi.

Gương tơplôu ƀă tơbleăng