VOV4.Sêdang - A cheăm Trung Lý, tơring Mường Lát, kong pơlê Thanh Hóa nếo po leh diâp túa hngêi ƀă kum pro hngêi ăm rơpŏng kơtiê, rơpŏng xơpá ‘na hngêi ối. Kố cho tơdroăng ki xua Khu xiâm Kŏng an tơrŭm ƀă kong pơle Thanh Hóa ƀă hngêi rak liăn Tê mơdró Tơlo liăn Ngoại thương Việt Nam Vietcombank tong kum “Mơjiâng pro 600 toăng hngêi ối ăm rơpŏng kơtiê a tơring Mường Lát”.

Tiô pơkâ, tơdroăng kố kô kum 30 rơtal liăn ăm tơring Mường Lát vâ pro 600 toăng hngêi ăm mâu rơpŏng kơtiê. Rêm toăng kơnâ 50 rơtuh liăn rak tơniăn tro 3 pơkâ xiâm: “Trêi krá, kuâ krá, mơnât krá” tiô túa ki kơchuâ chêh dêi Khu xiâm ngăn Kŏng an.

Pôa Tô Lâm, Kăn xiâm ngăn Kŏng an diâp hngêi tơrŭm a Thanh Hóa

Mường Lát cho tơring kơtiê má môi dêi kong pole Thanh Hóa ƀă xuân cho môi tung mâu tíu pêi cheăng ki ai tơdjâk ối tung tơdroăng ki hriăn ngăn pơkâ mơ’no, túa pêi, túa pro hngêi ối vâ kŏng an kong pơlê Thanh Hóa pơkuâ tơdjuôm ivá rơtế ƀă vâi krâ nhŏng o tơring Mường Lát mơjiâng pro, ‘mâi rơnêu hngêi ối, veăng kum rak tơniăn ƀă mơ-eăm troh mơ’nui khế 5/2021 kô klêi 600 toăng hngêi tơrŭm pơcháu ăm mâu rơpŏng kơtiê dêi tơring Mường Lát.

Nga tơplôu ƀă tơbleăng