VOV4.Sêdang -  Pôa Lê Văn Thanh, Ngế phŏ dêi khu xiâm ngăn Mố đô̆i tro rong ƀă rêh ối pơlê pơla hiăng ai rôh pêi cheăng ƀă Vi ƀan kong pơlê Dak Nông ‘na pêi pro mâu pơkâ kơdroh kơklêa xăm kơtiê, pêi cheăng, tăng cheăng pêi pơla hơnăm 20216-2020. Tung pơla hơnăm 2016- 2020, tơdroăng cheăng kơdroh kơklêa xăm kơtiê dêi kong pơlê Dak Nông hiăng hlo hơ’leh. Dak Nông hiăng ‘măn lối 683 rơtal liăn ăm tơdroăng pơkâ dêi tơnêi têa xăm kơtiê krá ton xŏn, tung mê, liăn ngân xiâm tơnêi têa vâ chê 485 rơtal liăn.

Hâi hôp tơpui tơno ‘na tơdroăng cheăng pêi

Vâ chê 7 rơpâu 700 hdrôh rơpŏng kơtiê hdroâng kuăn ngo châ mung liăn Hngêi rak liăn kum mâu kơtiê ƀă kơxô̆ liăn lối 206 rơtal liăn. A rôh pêi cheăng, pôa Lê Văn Thanh, Ngế phŏ dêi khu xiâm ngăn Mô đô̆i tro rong ƀă rêh ối pơlê pơla tối tiah kố, Dak Nông thế mơdêk hnê tối, mơdêk ki hlê plĕng ƀă hnê mơhnhôk kuăn pơlê mơ-eăm pêi cheăng kâ vâ kâi hluăn ing kơtiê, malối tung hdroâng kuăn ngo.

Kong pơlê thế tơmâng hnê cheăng pêi, mơdêk hlê plĕng ‘na pêi cheăng, ai tiô tơdroăng kal vâ ‘na kơxô̆, ki tơ-ƀrê dêi khu ‘no liăn, kơdroh mơngế pêi cheăng ki ôh tá hâi châ hriâm.

Gương tơplôu ƀă tơbleăng