VOV4.Sêdang - Kơxê lơ 24/10, Khu xiâm pơkuâ ngăn pơkeăng ƀă khăm pơlât tơkŭm po hneăng hôp mơ’no tơdrêng tung um tiô troăng măng internet ƀă khu râ kăn pơkuâ Viƀan 63 kong pơlê, pơlê kong kơdrâm vâ mơnhên 10 hâi pêi pro Pơkâ 128 ‘na kâi trâng tơniăn, ƀeăn ƀĕng rơkê, mơdât châ tơƀrê pơreăng COVID-19. Ing mơnhên apoăng ăm hlo, mâu kong pơlê, pơlê kong kơdrâm tá hâi ‘nâi pro ti lâi, kơtăng tung pêi pro Pơkâ kố ƀă mâu kong pơlê kal thăm pêi pro mâu troăng hbrâ mơdât pơreăng, ôh tá ăm pơreăng xông tâ tú nếo. Ƀă 3 tuá pêi tiô pơkâ 128 môi tiah hdró kơpong pơreăng troh râ thôn, cheăm;  pâk vaccine lâp ƀă ai ivá tơdah pơlât, hên kong pơlê, pơlê kong kơdrâm pâk vaccine ối iâ, bu châ pá kơdâm 40% pơkâ thế châ pêi pro mâu troăng hbrâ mơdât pơreăng. Ing mâu pâ thế dêi kong pơlê, pôa Nguyễn Thanh Long, Kăn xiâm pơkuâ ngăn pơkeăng ƀă khăm pơlât pơkâ thế kal pêi pro mâu troăng hbrâ mơdât pơreăng, ôh tá ăm ai pơreăng pơtối xông tâ tú nếo tung la ngiâ.

A Sa Ly tơplôu ƀă tơbleăng