VOV4.Sêdang - Sap ing tơdroăng ki ai khât ôh tá tơniăn dêi pơreăng troh tơdroăng ki ôh tá ai tơnêi tíu ối pơlât a Pơlê kong kân Hồ Chí Minh, hâi lơ 13/8, a Rôh hôp hnê hriâm ‘no tơdrêng ing troăng hyôh internet ‘na rak ngăn, pơlât ƀă rak ngăn mâu ngế ki tâ SARS-CoV-2, ngế ki tâ pơreăng COVID-19 tiô klâ xoăng rak ngăn, pơlât, Khu xiâm ngăn pơkeăng ƀă khăm pơlât ăm ‘nâi kô po rơdâ tơdroăng pơlât ăm F0 a hngêi ƀă kô pơkâ tíu ki hbru ăm kơtong pơkeăng, hnê mơhno túa ki séa ngăn dêi ivá ăm mâu ngế tro tâ pơreăng.

Tung mê, râ má 1 pơlât ăm F0 ki ôh tá hlo tơngê, kơ-o lơ mâu tơdroăng ki châi iâ a hngêi pơkeăng lêng ƀă pơlât a hngêi. Râ ki pơlât má 2 cho mâu tíu khăm pơlât sap ing tơring tơngi klêng, kum ăm mâu ngế ki tâ pơreăng hlo tơngê, kơ-o chía iâ a hồi sức tích cực. Pôa Nguyễn Thanh Long, ngế xiâm ngăn pơkeăng pơlât pơchân hbrâ rơnáu ăm tơdroăng ki pơlât ‘na xoăng koi, oxy, kơmăi hiâm, tá hiâm oxy chal ki nếo ăm râ pơlât má 3 ƀă kế tơmeăm xúa ki hbrâ rơnáu.

Katarina Nga tơplôu [ă tơbleăng