VOV4.Sêdang - Xuân a rôh hôp tiah hmâ Chin phuh ‘na hbrâ mơdât, COVID-19, pôa Nguyễn Thanh Long, Ngế xiâm ngăn pơkeăng pơlât ăm ‘nâi, lâp tơnêi têa hiăng pâk vaccine ăm 20.695 ngế, tung mê, ai iâ mâu ngế ki tơngâ klêi pâk pơkeăng, ƀă dế nôkố ivá hiăng tơniăn. Malối  hâi ai ngế ki lâi tơdjâk tro mơheăm tơkâ môi tiah vâi tô tuăn.

Mơhé ti mê, vâ tơniăn má môi, Khu xiâm dế hnê ăm mâu hngêi pơkeăng pơlât mơdêk tơdroăng hnê pơtâp ăm mâu kăn ƀô̆ ngăn pơkeăng ƀă pêi pro mâu tíu pâk ki tơtro, tơniăn má môi vâ pâk. Pakĭng xiâm vaccine ki rôe ing kong têa ê, Khu xiâm ngăn pơkeăng pơlât dế mơdêk tơdroăng tí tăng ngăn, pro nếo vaccine tung tơnêi têa.

Vaccine Nanocovax xua Kŏng ti NANOGEN mơjiâng pro hiăng châ mơnúa pâk rôh má 2 a mơngế sap ing hâi lơ 26/2/2021. Vaccine  Covivac xúa IVAC mơjiâng pro pơxiâm mơnúa pâk sap hâi lơ 15/3/2021. Vaccine xua Việt Nam pro kô mơnúa ăm pâk tung hơnăm 2022 vâ hbrâ hdrối vâ ai vaccine, tơniăn vaccine ki vâ pâk, tơniăn ‘na pơkeăng khăm pơlât, hbrâ pâk hdrối xâu lơ ai pơreăng tâ tú tung la ngiâ.

Gương tơplôu ƀă tơbleăng