VOV4.Sêdang - Klêi tâng tối ai mâu ngế ki hiăng tâi hâi klâ krê tơchoâm 14 hâi la vêh ing mê xuân ối dương tính ƀă virus SARS CoV-2, pro tâ tú troh lâp lu; Khu xiâm ngăn pơkeăng pơkâ pơtân ton hâi klâ krê tơchoâm pú hên. Kố cho tơdroăng chêh tung hlá mơ-eá tâ pêi pro ki nếo châ Khu xiâm ngăn pơkeăng hbrâ mơdât pơreăng pơtroh ăm Tíu xiâm séa ngăn mâu pơreăng dêi mâu kong pơlê, pơlê kong kân.

Ing mê, pêi pro tiô pơkâ hnê mơhno dêi Ngế pro xiâm phŏ hnê ngăn Chin phuh - Ngế xiâm pơkuâ hnê mơhno Tơnêi têa ‘na hbrâ mơdât COVID-19, Khu xiâm ngăn pơkeăng pơlât thế mâu kong pơlê, pơlê kong kân pơtân pro mơdon tơ’nôm hâi ƀă mâu ki tá hâi teăm nhên  klêi ƀă thế lo ing kơpong klâ krê tơchoâm ƀă tâi tâng mâu ngế hiăng tŭm tơdroăng tâi hâi klâ krê (tơkéa vâ tối hiăng klâ krê tơchoâm tŭm 14 hâi, khăm ngăn mơheăm roh má 2 hlo âm tính) tung pơla pơxiâm a: 00 chô hâi lơ 4/5 ta troh tối tơbleăng nếo dêi Khu hnê mơhno cheăng Tơnêi têa ‘na hbrâ mơdât pơreăng COVID-19.

Gương tơplôu ƀă tơbleăng