VOV4.Sêdang - Sap lơ 17/8 troh lơ 15/9/2021, Khu xiâm ngăn tơdroăng nếo ai ƀă hyôh Internet tơkŭm po tơdroăng “Hiâm mơno hơ-ui pâ rơnó tâ pơreăng, veăng kum dêi rơpó’’ƀă kơxô̆ liăn tâk troh 160 rơtal liăn.Khu xiâm ngăn tơdroăng nếo ai ƀă hyôh rơ’jiu hiăng krếo ƀă hnê mơhno ăm mâu khu mơdró môi tiah Grup VNPT, Viettel Telecom, T&T Group, Hngêi rak liăn MBank, Khu xiâm ngăn pơtroh kơthô tơpui phôn Việt Nam, Viettel Post veăng rơtế ƀă tơdroăng mê.

Mâu ki xúa cho mâu ngế kơtiê, mâu ki rêh ối pá puât, mâu ki tơdjâk xua pơreăng COVID-19, hâi châ xo kơxô̆ tơmeăm ki kum ăm dêi Pơlê kong kân Hồ Chí Minh. Ing mê inâi mâu ngế ki châ xúa kô xua Vi ƀan Măt trâ̆n Tơnêi têa Pơlê kong kân Hồ Chí Minh Tíu pơtroh kơthô tơpui phôn Việt Nam (Vietnam Post) ƀă Viettel Post kô veăng tơrŭm ƀă mâu kăn ƀă mâu khu râ pơkuâ cheăng dêi kong pơlê vâ tơkŭm xing xoăng tơmeăm.

Rêm kơxu tơmeăm ki ăm mê cho 5 kg phái, têa rơmâ, xik rơbông, bột canh, têa tương, tơ-uâ, pôm ƀok, kơtâ í vâ tơniăn ‘na hmê kâ ăm kuăn Pơlê kong kân Hồ Chí Minh tung mâu hâi plâ mơdât pơreăng.

Gương tơplôu ƀă tơbleăng