VOV4.Sêdang - A cheăm Yên Bài, tơring Ba Vì, Pơlê kong kân Hà Nội, Khu xiâm pơkuâ lêng tơkŭm po leh mơhnhôk  tơdroăng pêt 1 rơtal xiâm loăng – “Xua môi Việt Nam ngiât”. Teăng mâ Khu xiâm pơkuâ cheăng Đảng kơvâ cheăng lêng, Khu xiâm pơkuâ lêng, Thươ̆ng tươ̆ng Phan Văn Giang pơkâ mâu kơ koan, đông lêng pơtối pêi  tơtro tâ mê nếo tơdroăng pơtâng tối, hnê hriâm, hlê plĕng, pêi pro kơtăng Pơkâ dêi Ngế pro xiâm hnê ngăn Chin phuh ƀă Pơkâ dêi Ngế xiâm pơkuâ lêng; mơdêk hlê plĕng ăm rêm kăn ƀô̆, mâu lêng, mâu ngế pêi cheăng tung lêng ‘na ki pơxúa kân ƀă ki kơnâ dêi tơdroăng pêt loăng, pêt kong, rak ngăn kong, mơjiâng  tơdroăng pêt loăng trâu hơngế tung tâi tâng khu lêng, kum rak vế kong prâi loăng pơlái kong kế, kơdroh ki tơdjâk dêi kong prâi hơ’leh.

Thươ̆ng tưŏng Phan Văn Giang veăng pêt loăng klêi kơ’nâi leh mơhnhôk

Pơkâ mâu kơ koan, đông lêng tung tâi tâng khu lêng thâ pêi pro tơdroăng pêt loăng, pêt kong tiô pơkâ 5 hơnăm 2021 – 2025.

A Sa Ly tơplôu ƀă tơbleăng