VOV4.Sêdang - Pêi pro tiô hnê mơhno dêi Khu xiâm pơkuâ ngăn mô đô̆i gak tơkăng kong ‘na mơdêk hnoăng cheăng pêi hbrâ, mơdât pơreăng drô troăng tơkăng kong peăng Mâ hâi lu pa Hdroh, pơla hdrối kố nah, Đảng ủy, Khu xiâm pơkuâ ngăn mố đô̆i gak tơkăng kong Ninh Bình tơkŭm pơcháu hnoăng cheăng pêi ăm 40 ngế kăn ƀô̆ mâu lêng cho kăn lêng, mâu lêng ki rơkê mơdêk hnoăng cheăng ăm mố đô̆i gak tơkăng kong  Long An kring gak drô tíu tơkăng kong ƀă hbrâ mơdât pơreăng Covid-19.

Tơpui hnê mơhno a rôh trâm mâ pơcháu hnoăng cheăng, Thiê̆u tươ̆ng Lê Quang Đaọ, Kăn phŏ pơkuâ ngăn Mố đô̆i gak tơkăng kong thế Khu xiâm pơkuâ ngăn mố đô̆i gak tơkăng kong Ninh Bình đi đo tơrŭm krá kak ƀă mâu râ Đảng, mâu khu pơkuâ mâu tíu pêi cheăng dêi Mố đô̆i gak tơkăng kong ƀă mâu lêng kring gak tơkăng kong, rak ngăn, tí tăng ‘nâi plĕng ‘na tuăn tơmiât tối ki tơ-ƀrê tung tơdroăng cheăng kăn ƀô̆, mâu lêng, pêi tro tơdroăng pơkâ dêi lêng vâ mâu mố đô̆i ki kring gak tơplâ mơdât pơreăng hmiân tuăn, pêi klêi hnoăng cheăng pơcháu.

Gương tơplôu ƀă tơbleăng