VOV4.Sêdang - Kơxo lơ 11/3, Khu xiâm tơpui kâ hiăng tơkŭm po mâu rôh hôp vâ tơbleăng ngế ki tơbriât cheăng tung Kuô̆k hô̆i hneăng má 15 tiô pơkâ dêi Khu xiâm pơkuâ tơdroăng kal kí ƀă pơkâ, hnê mơhno dêi mâu kơ koan tơrŭm cheăng. Veăng hôp a hneăng hôp ai pôa Phạm Minh Chính, ngế cheăng tung tíu xiâm kal kí, kăn pơkuâ ngăn Đảng ƀô̆, Ngế pro xiâm phŏ hnê ngăn tơnêi têa, kăn xiâm tơpui kâ tơnêi têa pin.

Pêi pro troăng hơlâ dêi Khu xiâm pơkuâ tơdroăng kal kí, séa ngăn a mâu tơdroăng pơkâ tro dêi mâu kăn Kuô̆k hô̆i ƀă tung tơdroăng ki séa ngăn, mơnhên tối ‘na hiâm mơno, ivá, tơdroăng loi tơngah tung kăn ƀô̆,  mâu rôh hôp hiăng môi tuăn tơbleăng 2 ngế vâ mot tung cheăng tung Kuô̆k hô̆i hneăng má 15 ƀă kơxô̆ ngế vâ môi tuăn cho tâi tâng, me cho: Pôa Bùi Thanh Sơn, Ngế cheăng tung tíu xiâm Đảng, kăn Kuô̆k hô̆i hneăng má 14, kăn phŏ pơkuâ ngăn Đảng ƀô̆, kăn phŏ tơpui kâ prế poâ Lê Hoài Trung, Ngế cheăng tung Tíu xiâm Đảng, ngế cheăng tung khu pơkuâ ngăn Đảng ƀô̆, kăn phŏ tơpui kâ tơnêi têa.

Nga tơplôu ƀă tơbleăng