VOV4.Sêdang - Hơ’nêh kơpôu ro chu, í peâp cho mâm kâ rêm hâi [a\ cho kế tơmeăm kâ ki roê hên tung mâu rơpo\ng. Tơdroăng pro rak krúa kế kâ kố cho kal khât. Laga, a kong pơlê Gialai, tơdroăng pơkuâ, kơdê, chêh, siê kơpôu ro chu, í peâp ôh tá châ tơmâng ngăn khât, xua mê pá puât tung tơdroăng ki dâi, krúa le\m kế kâ. Ngế chêh hlá tơbeăng ai mơnhên tối ‘na tơdroăng kố.

Ayun Pa châ mơnhên tối cho pơlê kong krâm sap ing hơnăm 2007 nah, kơxo# kuăn pơlê nôkố ai dâng vâ chê 40 rơpâu ngế. La troh nôkố, pơlê kong krâm kố xuân hâi ai tíu kơdê, chêh, siê hơ’nêh kơpôu ro, chu í tơku\m. Tiô riên ngăn dêi {ơrô ngăn ‘na tơmeăm khoăng hyôh kong prâi pơlê kong krâm, tung pơlê kong krâm nôkố ai 23 tíu kơdê, chêh, siê hơ’nêh mơnăn ki vâi tí tăng po xêh. Pak^ng tơdroăng tô tuăn ‘na hyôh kong prâi kuăn pơlê ối tô tuăn ‘na tơdroăng ki ôh tá pêi krúa kế kâ drêng khu râ kơvâ cheăng ôh tá séa ngăn tíu ki kơdê, chêh, siê xuân môi tiah tíu ki kơdê, chêh, siê hơ’nêh ki tăng po xêh. Mơhé tơdroăng tô tuăn ga tiah mê, la pơlê krâm Ayun Pa xuân hâi ai pơkâ po tíu kơdê, chêh, siê hơ’nêh tơchuâm vâ rak ngăn tơdroăng cheăng kố. Pôa Châu Văn Tuấn-kăn [ơrô ngăn ‘na tơmeăm khoăng [ă hyôh kong prâi dêi pơlê kong kâm Ayun Pa, tối: 23 tíu kơdê, chêh, siê hơ’nêh kơpôu ro, chu í pêap to mâu tíu ki ku ku\n, vâi po kơdê, chêh, siê ngăn tiô tơdroăng púi vâ. Ki hdrối pin hnê tối, séa ngăn, pơchân tối. Tơdroăng pơkâ po tíu kơdê, chêh, siê hơ’nêh mơnăn tơku\m mê pơlê kong krâm hâi teăm ai. Pơla hdrối kố nah, Vi [an pơlê kong krâm nếo hnê mơhno séa ngăn vâ ‘mâi hơ’lêh tơdroăng pơkâ kố.

Hâi ai tíu kơdê, chêh, siê hơ’nêh kơpôu, ro, chu, í pêap ki tơku\m, mê xuân cho tơdroăng ki pá tơchuâm dêi kong pơlê Gialai. Riên troh nôkố, lâp tung kong pơlê bú ai 9 tíu kơdê, chêh, siê hơ’nêh ro, chu í pêap  tơku\m a 6 to tơring. 11 kơpêng 17 tơring ối ai lơ hâi ai pơkâ, lơ ai pơkâ la hâi tối tơbleăng. Tung mê, ki tơxâng vâ tối pơlê kong kơdrâm Pleiku. Ma luâ cho tíu ki xiâm dêi kong pơlê. {ă lối 22 rơpâu ngế kuăn pơlê cho tíu ki tê hên mâu hơ’nêh ro, chu, í pêap troh mâu tơring, la troh nôkố, pơlê kong kơdrâm nếo bú po môi tíu kơdê, chêh, siê hơ’nêh í pêap tơkuăm. Đăi tă Nguyễn Văn Minh, Kăn [ơrô Kan sât ngăn ‘na hyôh kong prâi, Ko\ng an kong pơlê Gialai ăm ‘nâi, kố cho ki xiâm pro mâu tơdroăng cheăng rak ngăn ‘na pêi krúa kế kâ trâm hên tơdroăng pá: Nôkố rêm râ, mâu kơvâ cheăng hâi tơmâng khât troh tơdroăng ăm phêp séa ngăn tíu ki tê mâu ro, chu, í, pêap. Xua mê, tơdroăng séa ngăn pro rak krúa kế kâ tơpá khât. Kơvâ ngăn pơkeăng khăm pơlât mơnăn bú tâk tăm po\ng mơhno hiăng séa ngăn a mâu kơpong tê hơ’nêh, tơkéa vâ tối mâu hơ’nêh mâm drêng hiăng klêi kơdê, chêh, siê. Ngin hiăng pro hlá mơ-éa tí tăng ‘nâi ple\ng ăm Kăn pơkuâ ko\ng an kong pơlê, pâ thế [ă tơbleăng ăm Khu hnê ngăn Đảng kong pơlê, Khu kăn hnê ngăn Vi [an kong pơlê hnê mơhno ăm mâu tơring, pơlê kong krâm, pơlê kong kơdrâm séa ngăn kơtăng, pơkâ, mơjiâng mâu kơpong kơdê, chêh, siê hơ’nêh tơku\m. Vâ pin séa ngăn kơtăng khât a mâu tíu mê vâ pro rak krúa kế kâ, má péa vâ tơniăn ‘na hyôh kong prâi tung kong pơlê.

Pôa Dương Ngọc Thanh, kăn pho\ hnê ngăn Khu ngăn ‘na pơlât mơnăn kong pơlê Gialai, ăm ‘nâi, nôkố rêm khế tíu pêi cheăng nếo bú séa ngăn vâ chê 1 rơpâu to kơpôu, ro, dâng 10 rơpâu to chu, 5 rơpâu to í pêap, tơ’mô dâng 50% tung tâi tâng mâu kơpôu ro chu í pêap tung kong pơlê. U ối pá 268 rơpo\ng po xêh tíu kơdê, chêh, siê hơ’nêh a 17 tơring, pơlê kong krâm, pơlê kong kơdrâm tơpá ăm kơ koăn ki hmâ cheăng séa ngăn. Pôa Dương Ngọc Thanh tối: Drêng kơpôu ro chu í châ kơdê, chêh, siê a mâu rơpo\ng hngêi, utâi, utá, mê ngin ôh tá ai tu\m mơngế vâ lăm troh séa ngăn. Tâng ôh tá lăm séa ngăn mâu tíu kơdê, chêh, siê hơ’nêh, mê kế kâ ki tê ăm mơngế rôe kâ kô ôh tá krúa. Ki mê cho tơdroăng ki pá dêi kơ koan cheăng ‘na tơdroăng kố xua tung pơla hdrối [ă kơ’nâi ôh tá châ séa ngăn. Tiô á, tung tơdroăng hnê pro rak krúa kế kâ nôkố, tơdroăng pơkâ, mơjiâng mâu tíu kơdê, chêh, siê hơ’nêh tơku\m hên hiăng chiâng tơdroăng ki kal. Pâ thế mâu khu râ, kơvâ cheăng tơmâng tơku\m pêi pro. Troăng hơlâ rêh ối nếo, la kơvâ cheăng kơdê, chêh, siê hơ’nêh kơpôu ro chu í pêap ôh tá hlo tơ-[rê, mê iâ mâu khu, mơngế ki vâ veăng pêi pro. Xua mê, kal thế x^ng xoăng ăm kơxo# liăn vâ mơjiâng [ă ngăn mê cho tơmeăm khoăng ki pơxúa tung rêh ối pơlê pơla.

Gương tơplôu [ă tơbleăng