VOV4.Sêdang - Lâm Đồng ối má 23 tung tíu rah ối má to lâi PCI (ivá tơbriêt cheăng) hơnăm 2020, mơhé kơdroh 1 râ tâng pơchông ƀă hơnăm 2019 lâg pơtối châ rah ối tung Khu mâu kong pơlê ai ivá tơbriêt cheăng ki hôm ƀă ối má môi kơpong Tây Nguyên. Ƀă điêm PCI hơnăm 2020 châ 64,43 điêm, kơdroh 1,8 điêm tâng pơchông ƀă hơnăm 2019, Lâm Đồng ối má 23/63 kong pơlê, pơlê kong kơdrâm tung tơnêi têa.

Kơdroh điêm, Lâm Đồng xuân ối má môi Tây Nguyên ‘na  tơdroăng ki mơhno ivá tơbriêt cheăng

Tiô pôa Dương Quốc Anh, Kăn pơkuâ Tíu xiâm mơhnhôk mơ’no liăn cheăng, tê mơdró ƀă Ôm hyô kong pơlê Lâm Đồng, mâu hơnăm hiăng hluâ, Lâm Đồng đi đo mơ-eăm pêi pro tơdâng tơ’mô hên troăng pêi cheăng vâ pơhlêh  tơdroăng mơhno ivá tơbriêt cheăng dêi kong pơlê.  Tơdroăng tơbleăng ối má to lâi  tơdroăng mơhno PCI hiăng mơhno mâu  tơdroăng ki rơdêi, ki tá hâi rơdêi, ing mê pêi tơtro hnoăng tơbleăng dêi tớna vâ khu râ kăn pơkuâ mơjiâng mâu troăng pêi ki tơtro ƀă  tơdroăng  nôkố vâ pơhlêh ƀă rơnêu, kum mơdêk PCI dêi kong pơlê tung la ngiâ.

Sa Ly tơplôu ƀă tơbleăng