VOV4.Sêdang - Tiô pơkâ kơxo# 109/2018 dêi Chin phuh ‘na pêi chiâk deăng hưh cơ gá xêt pêi pro sap ing hâi lơ 15/10 la ngiâ. Ing mê, tơmeăm ing hưh cơ thế ai mơnhên tro tiô pơkâ dêi tơtêi têa, kơpong, kong têa ê tro tiô tơbleăng dêi Khu xiâm ngăn ‘na chiâk deăng mơnhông mơdêk thôn pơlê.

Mâu khu mơdró ku\n, khu pêi cheăng tơru\m, kơdrum deăng pro kơdroăng kân păn mơnăn, mâu rơpo\ng hngêi [ă mâu khu pêi cheăng kâ châ kơjo kum môi hdrôh tâi tâng kơxo# liăn ăm mơnhên tơmeăm pêi lo ing chiâk deăng krúa le\m tiô pơkâ dêi tơnêi têa [ă mâu kơxo# liăn ‘no pêi ki ê môi tiah: Séa ngăn, mơnhên túa tơnêi, mâu têa, túa hyôh kong prâi a mâu kơpong ki ai tu\m vâ pêi pro hưh cơ.

Pak^ng mê, ối veăng kum tiô mâu kơlo hnê pêi, hnê hriâm cheăng pêi, po rơdâ túa pêi pro hưh cơ tiô pơkâ dêi tơnêi têa; kơxo# liăn rôe hdrê pêt pơkeăng xôh kơdế ôa hdrong, mâu phon rơvât, pơkeăng xôh kơdê ôa hdrong sinh hok, kơxo# liăn rôe hdrê păn, mơdrăn che\m hưh cơ, pơkeăng pơlât mơnăn [ă hên mâu tơdroăng ki ê.

Gương tơplôu [ă tơbleăng