VOV4.Sedang - Tung 10 ngế ki tơbriât vâ mot cheăng, kuăn pơlê, kong pơlê Kon Tum hiăng rah pôk 6 ngế ki châ mot cheăng tung Kuô̆k hô̆i hneăng má 15.

Kuăn pơlê Kon Tum vêh séa ngăn tơdroăng ki mâu ngế tơbriât vâ cheăng hdrối vâ tâ phĭu pôk

Ki nhên gá cho ai 6 ngế châ kuăn pơlê kong pơlê Kon Tum pôk mot cheăng tung Kuô̆k hô̆i hneăng má 15, mê cho pôa Nguyễn Văn Hùng, Ngế cheăng tung tíu xiâm Đảng, ngế xiâm ngăn mơhno túa lĕm tro, tơ’noăng ivá ƀă ôm hyô; jâ Trần Thị Thu Phước, hdroâng kuăn ngo Rơteăng, kăn phŏ pơkuâ Kŏng an kong pơlê Kon Tum; Pôa Tô Văn Tám, kăn phŏ pơkuâ khu kăn Kuô̆k hô̆i kong pơlê Kon Tum, Ngế cheăng tung Vi ƀan Luât dêi Kuô̆k hô̆i; pôa Phạm Đình Thanh, kăn pơkuâ tíu cheăng séa ngăn arak luât kong pơlê Kon Tum; pôa U Huấn, Ngế cheăng tung tíu xiâm Đảng, Ngế cheăng tung khu pơkuâ ngăn đảng, kăn pơkuâ tơdroăng cheăng đảng Kon Tum; jâ Nàng Xô Vi, hdroâng kuăn ngo Brâu, pêi cheăng a Hngêi trung râm má pái hdroâng kuăn ngo kong pơlê a tơring Ia H’Drai. Mâu ngế ki tơbriât cheăng tung Kuô̆k hô̆i hneăng má 15 a kong pơlê Kon Tum châ xo phĭu kuăn pơlê pôk saping 82,97% troh 93,39%.

Nga tơplôu ƀă tơbleăng