VOV4.Sedang - A Kon Tum hâi lơ 23/5, ai vâ chê 37 rơpâu ngế kuăn pơlê dêi kong pơlê lăm tâ phĭu tung Hâi leh kân dêi tơnêi têa vâ rah xo mâu ngế ai hiâm mơno lĕm, rơkê khât. Leh pơxiâm po hneăng tâ phĭu a 600 kơpong tâ phĭu  tung kong pơlê châ tơkŭm po kân krip, pro iâ tê, tro tiô pơkâ ƀă mơhno ki phiu ro dêi hâi tâ phĭu dêi tâi tâng kuăn pơlê. A mâu kơpong tâ phĭu ai mâu ngế ngăn pơkeăng vâ hbrâ mơdât pơreăng COVID-19 ƀă kuăn pơlê chôa rak vế pêi pro tro hnê mơhno ing mâu kăn ƀô̆ ngăn pơkeăng.

Pêi pro mâu tơdroăng hbrâ mơdât pơreăng COVID-19 hdrối vâ troh a kơpong tâ phĭu

Klêi pơreăng kân ai lối 1 rơpâu 100 ngế kuăn pơlê a pơlê Kon Hra Chôt, dêi kơpong tâ phĭu kơxô̆ 6, bêng Thống Nhất, pơlê kong kơdrâm Kon Tum lăm tâ phĭu roh apoăng châ tâ tung kơthung phĭu, A Huy kuăn pơlê ki lăm tâ phiu ro ăm ‘nâi:

“Kuăn pơlê kơtăn kố xuân péa pái hâi kố râ kuăn pơlê púi vâ rĕng troh hâi tâ phĭu. A cho krâ pơlê dêi thôn Kon Hra Chôt. pơlê ngin phiu ro rah xo mâu kăn Kuô̆k hô̆i, Hô̆i đong ki ai tŭm ivá tuăn ngôa rơkê. Tâng châ rah xo mâu ngế pro kăn Hô̆i đong, Kuô̆k hô̆i xuân púi vâ  pro ti lâi vâ kum ăm kuăn pơlê”.

Môi tíu tâ phĭu a pơlê kong kơdrâm Kon Tum

Tung hâi tâ phĭu rah xo kăn Kuô̆k hô̆i hneăng 15 ƀă mâu kăn hnê ngăn Hô̆i đong rêm râ, hneăng hơnăm 2021-2026, kong pơlê Kon Tum ai 2 Tíu tâ phĭu a 2 péa tíu tâ phĭu mê rah xo kăn Kuô̆k hô̆i, 13 khu ngăn tâ phĭu a mâu tíu tâ phĭu rah xo kăn Hô̆i đong kong pơlê; 83 Khu ngăn tâ phĭu dêi kăn Hô̆i đong rêm râ tơring ƀă 625 Khu kăn tâ phĭu rah xo kăn Hô̆i đong râ cheăm.

Kuăn pơlê kong pơlê Kon Tum kô rah xo 6 ngế kăn Kuô̆k hô̆i ing 10 ngế; rah 50 ngế kăn Hô̆i đong kong pơlê ing 85 ngế, rah xo 316 ngế kăn Hô̆i đong tơring ing 531 ngế  ƀă 2 rơpâu 132 ngế kăn Hô̆i đong râ cheăm ing 3.607 ngế.

Gương tơplôu ƀă tơbleăng