VOV4.Sêdang -  Hâi lơ 5/4, Khu xiâm ngăn ‘na Khoa hok ƀă Kŏng ngê̆ kong pơlê Kon Tum hiăng tơbleăng ‘na tơdroăng ăm hlá mơ-eá mơnhên xúa inâi tíu mơjiâng pro “Ngọc Linh” ƀă xúa Tem chêh tíu mơjiâng pro sâm “Ngọc Linh” cho tơmeăm pro ing pôm sâm. 

Sâm Ngọc Linh pêt a cheăm Măng Ri, tơring Tu Mrông, kong pơlê Kon Tum

Ing mê, mâu khu tơrŭm cheăng, mâu ngế ki pro, tê mơdró pôm sâm Ngọc Linh dêi kơpong  ki pêt mơjiâng pro sâm Ngọc Linh, mê cho mâu cheăm : Đăk Na, Măng Ri, Ngọc Lây, Ngọc Yêu, Văn Xuôi, Tê Xăng dêi tơring Tu Mrông ƀă Mường Hoong, Ngọc Linh, Xốp dêi tơring Đăk Glei kal vâ xúa inâi tíu Ngọc Linh thế rĕng nâp hồ sơ ăm khu xiâm ngăn ‘na Sở Khoa học ƀă Công nghệ kong pơlê  Kon Tum hdrối hâi lơ 17/4/2021 vâ seá ngăn ăm hlá mơ-eá mơnhên tối hnoăng chiâng xuá inâi tíu pêi mơjiâng sâm Ngọc Linh cho tơmeăm pro ing pôm sâm.

Tơdroăng ăm Hlá mơ-eá mơnhên xuá inâi Tiú Ngọc Linh ƀă Tem chêh inâi tiú Ngọc Linh Kon Tum châ pê klêi  tung khế 4 kố.

Gương tơplôu ƀă tơbleăng