VOV4.Sêdang - Kong pơlê Kon Tum nếo ‘nâi ai  6 ngế yương tĭnh ƀă SARS-CoV-2  a tíu klâ krê tơchoâm dêi kong pơlê (tiú klâ krê a Hngêi trung Cao đẳng Cộng đồng kong pơlê Kon Tum). Hdrối mê 6 ngế ki pêi cheăng mê lo ing Pơlê kong kân Hồ Chí Minh ƀă kong pơlê Bình Dương vêh troh a Kon Tum sap hâi lơ 27/7 to ƀă rơxế hon đa tơná. Klêi vâi troh a tíu gak ngăn mơdât pơreăng kơxô̆ 1 Sao Mai, cheăm Hòa Bình, pơlê kong kơdrâm Kon Tum, tŭm 6 ngế mê ƀă khu râ pơkuâ cheăng kong pơlê djâ vâi lăm klâ krê tơchoâm. Kơxo lơ 1/8 klêi ăm ‘nâi khăm ngăn mơheăm rôh má môi yương tĭnh ƀă SARS-CoV-2  séa ngăn ƀă RT-PCR, tŭm 6 ngế ki lăm klâ krê  xô̆ 2, Hngêi pơkeăng Y dược cổ truyền - Phục hồi chức năng kong pơlê  Kon Tum. 

Troh nôkố, tâi tâng mâu ki F0 a kong pơlê Kon Tum xuân châ  ‘nâi drêng vâi troh khăm ngăn a  tíu gak ngăn a hơlâ troăng kong pơlê ƀă djâ vâi lăm klâ krê tơchoâm vâ teăm pơlât. Kon Tum hâi tâng tối ai ngế ki tâ COVID-19 tung kuăn pơlê.

Gương tơplôu ƀă tơbleăng