VOV4.Sêdang - Hlo ôh tá tơniăn, tơpá vâ ‘nâi hdrối dêi pơreăng COVID-19, sap ing hâi lơ 10/5, Vi ƀan hnê ngăn kong pơlê Kon Tum pơxiâm ăm hok tro, sinh viên, mâu ngế hriâm pơtê hriâm tơkŭm a hngêi trung vâ hbrâ mơdât pơreăng. Rơtế ƀă tơdroăng ki pơkâ ăm hok tro, sinh viên, mâu ngế ki hriâm pơtê hriâm tơkŭm a hngêi trung, Vi ƀan hnê ngăn kong pơlê Kon Tum xuân pơcháu ăm Khu ngăn hnê hriâm ƀă hnê mơjiâng tuăn ngoâ rơkê hnê mơhno mâu hngêi trung tơbleăng hnê ing măng ƀă rơbot ƀai, hriâm xêh a hngêi; hnê mơgêi hơnăm hriâm 2020 – 2021 tơtro ƀă tơdroăng ki dế ai pơreăng tâ tú.

Kon Tum: Hok tro, sinh viên pơtê hriâm a hngêi trung vâ hbrâ mơdât COVID-19

Tơkŭm po hnê hriâm ƀă rơbot rôh tơ’noăng râ má pái phôh thong tơnêi têa ƀă hok tro lâm 12 tơƀrê, rak tơniăn mâu tơdroăng pơkâ vâ tơbleăng rôh tơ’noăng tro tiô mâu tơdroăng ki hnê mơhno, dêi khu xiâm ngăn hnê hriâm ƀă hnê mơjiâng tuăn ngoâ rơkê. Vi ƀan hnê ngăn mâu tơring, pơlê kong kân mơdêk hnoăng cheăng rak ngăn tơniăn hok tro, sinh viên rêm râ a kong pơlê, rak tơniăn mâu tơdroăng ăm tâi tâng vâ tơbleăng rôh tơ’noăng râ má pái phôh thong hơnăm 2021 tiô hnê mơhno; tơbleăng kơhnâ mâu troăng hơlâ hbrâ mơdât pơreăng COVID-19 tiô tơdroăng ki pơkâ thế tơdjuôm.

Katarina Nga tơplôu ƀă tơbleăng