VOV4.Sêdang - Kơxo lơ 16/4, a pơlê kong kơdrâm Kon Tum, Vi ƀan Măt trâ̆n tơnêi têa Việt Nam kong pơlê Kon Tum tơkŭm po hneăng Hôp roh má pái vâ rah xo mâu ngế ki ai tŭm tiô pơkâ, tơxâng vâ pro kăn Kuô̆k hô̆i hneăng 15 ƀă kăn Hô̆i đong kong pơlê, hneăng 2021-2026. A hneăng hôp tơpui roh má 3, mâu kăn tơmâng khu kăn dêi Vi ƀan Măt trâ̆n tơnêi têa Việt Nam kong pơlê Kon Tum tơbleăng tơdroăng tơkŭm tơmâng xo hnê tối rah xo dêi kuăn pơlê a tíu ối ƀă 10 ngế vâ lo tơbriât pro kăn Kuô̆k hô̆i hneăng 15 ƀă 85 ngế tơbriât pro kăn hnê ngăn Hô̆i đong kong pơlê, hneăng 2021-2026.

Hneăng hôp tơpui tơno rôh má 3

Mâu kăn veăng hôp tơpui roh má 3, xua Vi ƀan Măt trâ̆n tơnêi têa Việt Nam kong pơlê Kon Tum tơkŭm po hiăng vâ môi tuăn ăm 2 ngế ki ai hlá đơn pâ pơtê ôh tá lo tơbriât pro kăn Kuô̆k hô̆i hneăng 15. Môi tuăn ƀă inâi chêh 8 ngế ai tŭm tiô pơkâ vâ rah xo kăn Kuô̆k hô̆i hneăng 2021-2026.

Gương tơplôu ƀă tơbleăng