VOV4.Sedang - Troh kơxê hâi lơ 6/5, kong pơlê Kon Tum hiăng kêi pâk vaccine roh 1 hbrâ mơdât COVID 19, tơdrêng amê, pơtối po rơdâ, pêi pro mâu troăng ki thâ hbrâ mơdât pơreăng. Tâi tâng kong pơlê Kon Tum ai vâ chê 11.000 ngế hiăng châ pâk vaccine trum má 1 hbrâ mơdât pơreăng COVID 19, châ lối 83% kơxô̆ ngế châ kơjo pâk roh 1. Kố cho mâu ngế pêi cheăng tung mâu hngêi pơkeăng ƀă veăng hbrâ mơdât COVID 19.

Pâk vaccine roh má 1 hbrâ mơdât COVID 19 a hngêi pơkeăng kân kong pơlê Kon Tum

‘Na tơdroăng hbrâ mơdât COVID 19 a kong pơlê Kon Tum, troh kơxê hâi lơ 6/5, kơvâ khăm pơlât kong pơlê hiăng châ hlo ai 2 ngế F1 a tơring Sa Thầy ƀă Ngọc Hồi. Tơdroăng ki tăng mơngế tro tâ pơreăng ƀă séa ngăn mâu ngế F2, F3 châ khu cheăng tơkŭm pêi pro thâ. Drêng pơreăng xông tâ tú rĕng, ôh tá ‘nâi tối hdrối dêi pơreăng COVID 19, Khu xiâm pơkuâ mô đô̆i kong pơlê Kon Tum hiăng ai mơ-éa pơtroh Vi ƀan kong pơlê ƀă Khu hnê mơhno hbrâ mơdât COVID 19 kong pơlê Kon Tum pơkâ troăng hơlâ mơjiâng mâu tíu gak ngăn, seá ngăn mơdât mâu ngế mot ôh tá tro luât a troăng má 2 (kơpong tơkăng tíu tơkăng kong).

A Sa Ly tơplôu ƀă tơbleăng