VOV4.Sêdang - Kơxo hâi lơ 26/3, a pơlê kong kơdrâm Kon Tum, Đoân Droh rơtăm Kŏng san Hồ Chí Minh dêi kong pơlê Kon Tum tơkŭm po kân krip leh tơbâ 90 hơnăm hâi mơjiâng Đoân Droh rơtăm Kŏng san Hồ Chí Minh ƀă hlối tơbâ 70 hơnăm hâi Pôa Hồ pơtroh kơthô droh rơtăm djâ troăng ahdrối ƀă kheăn kơdeăn khu pú hên, ngế krê ki kơhnâ rơkê hơnăm 2021.

Tíu Leh tơbâ

A leh tơbâ mâu kăn teăng mâ rơtế lối ƀă 400 đoân viên, droh rơtăm kong pơlê Kon Tum hiăng tơbâ khôi túa ƀlêi trâng 90 hơnăm mơjiâng ƀă xông kân dêi Đoân Droh rơtăm Kŏng san Hồ Chí Minh; kheăn kơdeăn 14 ngế hơnăm ối nếo; 90 Chi đoân, Chi đoân ki rơdêi.

Mâu khu pú hên, ngế krê ki kơhnâ rơkê châ kheăn kơdeăn

Roh kố ai 11 khu pú hên ki rơkê tung pêi cheăng Đoân ƀă tơdroăng droh rơtăm, droh rơtăm phô̆m xông kân dêi kong pơlê Kon Tum hneăng hơnăm 2016 – 2020 phiu ro tơdah Ƀâng kheăn kơdeăn dêi Khu xiâm Đoân; 10 ngế krê tơdah Kih niêm chương xua rơxông ối nếo; 2 ngế krê tơdah Kih niêm chương droh rơtăm hneăng hdrối nah djâ troăng ahdrối.

A Sa Ly tơplôu ƀă tơbleăng