VOV4.Sêdang - Drêng troh leh tơbâ 41 hơnăm hâi mâu ngế cho chêng tơvê kŏng Việt Nam lơ 18/4, kơxo lơ 15/4, a pơlê kong kơdrâm Kon Tum, Khu kring vế hnoăng rêh ối dêi mơngế ki chó chêng tơvê kŏng kong pơlê Kon Tum tơkŭm po hneăng hôp khĕn kơdeăn mâu ngế ki chó chêng tơvê kŏng mơ-eăm vâ châ rêh ối môi tiah mâu kuăn pơlê ki ê ƀă Khu kơjo kum roh má 6 hơnăm 2021.

Diêp ƀâng kheăn kơdeăn

A hneăng hôp, ai 100 ngế ki chó chêng tơvê kŏng ai hnoăng hriâm rơkê, pêi cheăng pro tơmeăm, tê mơdró, kum mâu ki xơpá môi tiah tơná hiăng châ khĕn kơdeăn, mơhá tơmeăm. Kố cho mâu ngế ki hlo tơ-ƀrê hôm tung mâu ngế ki pro troăng lĕm tung kơxô̆ lối 6 rơpâu 200 ngế ki chó chêng tơvê kŏng dêi kong pơlê Kon Tum  hiăng ‘nâi kơ do mơ-eăm tơkâ luâ xơpá, xut tah tơdroăng ki kơxiâp kơmê, mơ-eăm mơnhông tơná vâ ai hnoăng tơbrê tung tơdroăng rêh ối; Khu Kring vế hnoăng rêh ối ƀă Kơjo kum mâu ngế chó chêng tơvê kŏng dêi kong pơlê Kon Tum ăm Hlá mơ-eá khĕn kơdeăn ăm 18 ngế ki ai hnoăng mơ-eăm tơrŭm tung kuăn pơlê.    

Gương tơplôu ƀă tơbleăng