VOV4.Sêdang -  Tơbleăng ing Vi ƀan tơring Sa Thầy, kong pơlê Kon Tum a kơxê lơ 5/5 tối ăm ‘nâi, Tíu xiâm khăm pơlât tơring hiăng pêi pro klâ kơtăn 1 ngế F1 ƀă ngế tro tâ COVID 19 a kong pơlê Vĩnh Phúc ƀă dế thâ tơkŭm ti tăng mâu ngế tro pơreăng vâ hbrâ mơdât pơreăng. Ngế ki F1 châ Tíu xiâm khăm pơlât tơring Sa Thầy pêi pro klâ kơtăn hbrâ mơdât pơreăng cho pêi cheăng a tíu hơdruê karaoke FoCus, kơxô̆ 01D, troăng Kim Ngọc, cheăm Tích Sơn, tơring Vĩnh Yên, kong pơlê Vĩnh Phúc sap hơnăm 2019 troh  nôkố. 

Kơpong klâ kơtăn a Tíu xiâm khăm pơlât tơring Sa Thầy

Apoăng Tíu xiâm khăm pơlât tơring Sa Thầy hiăng mơnhên châ ‘nâi 6 ngế cho F2 ƀă hiăng djâ 5 ngế troh a kơpong klâ kơtăn tơkŭm dêi tơring. Khu râ kăn pơkuâ ƀă kơvâ khăm pơlât tơring Sa Thầy dế pơtối ti tăng mơngế F3 vâ chêh inâi pêi pro klâ kơtăn a hngêi, tơdrêng amê pêi pro kơtăng mâu pơkâ hbrâ mơdât pơreăng.

A Sa Ly tơplôu ƀă tơbleăng