VOV4.Sêdang - Klêi kơ’nâi lối 1 khế xông tâ tú, pơreăng êi rơtốu krôk dế kố xuân ối tâ tú hên tíu, la ki vâ re\ng hlái athế troh khế 12 la ngiâ, kơvâ ngăn ‘na pơkeăng dêi kong pơlê Kon Tum nếo ai mơheăm ki dâi le\m vâ mơdât mơheăm ki ‘mêi, vâ pơlât prêi ăm mâu ngế ki êi rơtốu krôk.

Pơreăng êi rơtốu krôk hiăng tâ tú ó a khế 10 hdrối kố nah a kong pơlê Kon Tum hiăng pro 2 ngế hlâ [ă 1 ngế ki ê tâ tú. Dế nôkố, tung 10 ngế ki tâ tú pơreăng mê hiăng hlâ [ă 1 ngế dế râ ó. Dế kố, tung 10 ngế ki tâ tú dế pơlât a Kơvâ pơkeăng nhie#t đơi\, Hngêi pơkeăng kân kong pơlê Kon Tum ai 7 ngế ki tamo, klêi kơ’nâi pâk xo ngeăn mơheăm hiăng hlo ai pơreăng êi rơtốu krôk ki râ.

Vâ châ pơlât prêi êi rơtốu krôk, tơdroăng ki xúa mơheăm kâi trâng vâ mơdât virus êi rơtốu krôk kal thâ re\ng châ pêi pro ó khât. Maluâ ti mê, troh nôkố, kơvâ pơkeăng dêi kong pơlê Kon Tum xuân tá hâi teăm ai mơheăm ki dâi le\m vâ pơlât ăm mâu ngế châi tamo.

Nhat Lisa tơplôu [ă tơbleăng