VOV4.Sêdang - Tung pơla pêi tơdroăng tơkêa ‘mêi rơnêu mâu tíu troăng ki hiăng tơ’nhiê a troăng kân 24 troăng tơkâ luâ cheăm Hiếu, tơring Kon Plông, kong pơlê Kon Tum hiăng ai tơdroăng tâp kơđu klâng dêi kuăn pơlê. Mâu tíu pêi cheăng ki ai tơdjâk troh dêi kong pơlê Kon Tum hiăng rĕng tơhrâ kô kum tơxâng ăm kuăn pơlê. Ki khât ăm hlo, tung pơla pro 5 tíu rơnêu, troăng kâ 24 hiăng trâm tơdroăng ki têa mơhiu tiô tơnêi tâp kơđu vâ chê 8 ha klâng pêt báu dêi 87 rơpŏng kuăn pơlê.

Tơnêi tâp kơđu klâng báu pro kuăn pơlê ôh tá chiâng mơdâ pêt

Khu rak ngăn tơdroăng tơkêa mơjiâng pro troăng prôk Kon Tum hiăng ai túa pơkâ tŏng kum ăm kuăn pơlê. Ai tơdroăng ki môi tuăn dêi kuăn pơlê, tơdroăng ki tŏng kum tro tơ’nhiê kô châ pêi pro tơdrêng hlối tung khế 10 kố.

Katarina Nga tơplôu ƀă tơbleăng