VOV4.Sêdang - Ai lối 3 rơpâu tơdroăng cheăng pêi ăm đoan viên, droh rơtăm, mâu ngế pêi cheăng kong pơlê Kon Tum tung Hâi pêi cheăng ƀă pơxiâm vâ pêi cheăng hơnăm 2021 châ Khu ngăn cheăng pêi, mố đô̆i tro rong ƀă rêh ối pơlê pơla tơrŭm ƀă Khu pơkuâ ngăn Đoân droh rơtăm kong pơlê Kon Tum tơkŭm po a hâi lơ 27/4, a pơlê kong kơdrâm Kon Tum.

Veăng tung hâi tơdroăng cheăng pêi ƀă pơxiâm vâ pêi cheăng hơnăm 2021, lối hrĭng ngế đoân viên, droh rơtăm, mâu ngế pêi cheăng kong pơlê Kon Tum châ tiâ mơnhên ‘na tơdroăng cheăng ƀă cheăng pêi.

Tí tăng ‘nâi tơdroăng ki rah xo mâu ngế pêi cheăng tung Hâi tơdroăng cheăng pêi ƀă pơxiâm vâ pêi cheăng

Tung kơxô̆ ki kố hên mâu ngế pêi cheăng hiăng ai cheăng tơtro sap ing 52 khu ki rah xo. Maluâ tro tơdjâk xua pơreăng COVID-19, la tung hơnăm 2020 ƀă vâ chê 4 khế apoăng hơnăm 2021, kơvâ ngăn mâu ngế pêi cheăng, khu ngăn cheăng pêi, mố đô̆i tro rong ƀă rêh ối pơlê pơla kong pơlê Kon Tum xuân tăng cheăng ăm mâu ngế pêi cheăng lối 3.400 ngế ai cheăng pêi tơniăn tung tơnêi têa, 178 ngế lăm pêi cheăng ai hâi khế pơkâ a kong têa ê, tơdrêng amê hnối tiâ mơnhên, pơkâ tơdroăng ki pêi cheăng ăm lối10 rơpâu ngế đoân viên, droh rơtăm ƀă mâu ngế pêi cheăng a kơpong thôn pơlê.

Katarina Nga tơplôu ƀă tơbleăng