VOV4.Sêdang - Hlo tâ tú rơ-iô dêi pơreăng COVID-19 a Pơlê kong kân Hồ Chí Minh, kong pơlê Kon Tum hiăng tơbleăng hên troăng hơlâ séa ngăn, mơdât xiâm tâ tú pơreăng COVID-19. Sap lơ 31/5, kong pơlê Kon Tum thế pơtê ‘nôi tâi tâng mâu rơxế chơ tơmối ing kong pơlê kố vêh ngi Pơlê kong kân Hồ Chí Minh (lôi to mâu ki ai tơdroăng kal khât chiâng prôk).

Hnê kuăn pơlê tối tơbleăng tơná ăm hngêi pơkeăng cheăm vâ khăm séa ngăn Sao Mai a troăng kân 14, pơlê kong kơdrâm Kon Tum, kong pơlê Kon Tum

Mâu rơxế ki ai tơdroăng vâ tơkâ luâ Pơlê kong kân Hồ Chí Minh ôh tá chiâng tot pơlê, lơ to vâ tơdah tơmối, kâ ôu pơtê tung kong pơlê. Mâu tơring cheăm a Kon Tum xuân thế séa ngăn a tâi tâng mâu ngế ki lo ing Pơlê kong kân Hồ Chí Minh troh/ói/vêh ing hâi lơ 18 troh lơ 29/5.

Vâ hbrâ mơdât pơreăng COVID-19 lơ tâ tú tung kong pơlê sap 0 chôu  hiâ lơ 1/6, kong pơlê Kon Tum pơtối mơdêk tối tơbleăng hbrâ mơdât pơreăng COVID-19 tung kong pơlê ó má môi.

Gương tơplôu ƀă tơbleăng