Troăng ki tơdjêp ing troăng kân Hồ Chí Minh vâ prôk ngi troăng kân kơxo# 24 [ă troăng ki ví troăng kân Hồ Chí Minh tơkâ luâ pơlê kong kơdrâm Kon Tum tung hơnăm 2018, nôkố ai tu\m péa tơdroăng tơkêa kố xuân hâi châ mơjiâng pro xua tơdroăng pro hlá mơ-éa ki vâ chêl thie#n ‘mâi xe#n hngêi trăng tơnêi tíu pro ôh tá tro. Mê cho tơdroăng kăn [o# pro hlá mơ-éa vâ chêl thie#n [ă yă lối kơnâ, pro tơdroăng ki vâ pơxúa ăm tơná, hle\ng hriăn tăng troăng vâ hơ’lêh xo tơnêi, tơdjâk troh tơdroăng ôh tá vâ pro tro yă tơnêi ki khât pro chiâng ai tơdroăng ki ôh tá tơniăn tung pro hlá mơ-éa chêl thiăn xúa ‘mâi xe\n hngêi trăng tơnêi tíu.

Hơpăm ki pro tơkôm vâ chêl thiăn liăn kơpêng péa troăng ki tơdjêp ing troăng kân Hồ Chí Minh ki vâ tơkâ luâ troăng kân 24

Tơdroăng ki ôh tá tơniăn kố bê troh a khế 9 kố nah. Vi [an hnê ngăn kong pơlê Kon Tum thế pơtê ăm xêt tơdroăng pơkâ ki hiăng k^ ‘na yă tơnêi, pơtê tơdroăng pơkâ chêl thiăn vâ ‘mâi rơnêu pro nếo. A rôh hôp Ho#i đong hnê ngăn kong pơlê Kon Tum pơla hdrối kô nah, pôa Thái Văn Ngọc, Ngế pơkuâ ngăn ‘na luât tô tuăn hlo ai tơdroăng ki pro xôi mê:

‘’Tâng mâu tơdroăng kố ôh tá teăm ‘mâi rơnêu tơdrêng. Ôh tá re\ng châ hlo pơtê tơdrêng hmôu pơ lối pơtối tơbleăng pro hlá mơ-éa chêl liăn ăm kuăn pơlê mơ’nui ôh tá ‘nâi tơdroăng kô gá ti lâi. A tô tuăn tơdroăng ki kố gá tiah kố, tâi tâng pêi pro tro tu\m tơdroăng ki tơbleăng sap ing apoăng troh mơ’nui ga ‘ló tâi tâng tro tiô pơkâ, xuân ai hên kơvâ cheăng veăng tung mê la xuân ối ăm ai tơdroăng ki pro xôi kân tiah mê’’.

Tiô troăng hơlâ pơkâ chêl thie#n xe\n tơnêi hngêi trăng ki tíu pêi cheăng khu râ kơvâ cheăng dêi kong pơlê Kon Tum mơjiâng, mê tâi tâng kơxo# liăn ki chêl thie#n troh lối 500% tâng vâ pơchông [ă tâi tâng kơxo# liăn ki ‘no vâ mơjiâng pro tơdroăng tơkêa bro. Hên túa tơnêi, tơmeăm khoăng châ mơjiâng pro tơdroăng tơkêa chêl thie#n liăn [ă yă lối kơnâ. Mê cho 1 ha tơnêi pêt loăng plâi ton hơnăm a kơpong ki hơngế ing kuăn pơlê ối, troăng prôk pá puât la kơxo# liăn chêl thiăn 1 rơtal  410 rơtuh liăn, tung pơla mê séa ngăn ăm hlo bú dâng 600 rơtuh liăn tê.

1 ha tơnêi pêt kơxu hơnăm má pái la chêl thiăn 1 rơtal 460 rơtuh liăn hên luâ tâ yă ki pơkâ ai dâng 660 rơtuh liăn. Ki tơviah akố, ai ngế ki ‘nâ chêl thie#n liăn a tơnêi ki 870m2 kơdroăng chu la yă chêl hên tâ ki ai khât vâ chê 700 rơtuh liăn [ă hên tơdroăng ki ê. Pôa Phạm Đức Hạnh, Ngế pơkuâ ngăn ‘na Tơmeăm khoăng kong kế [ă hyôh kong prâi kong pơlê Kon Tum tối ai khât ‘nâng, mâu tơdroăng ki xôi mê pro pá, hrá châ mơjiâng pro tơdroăng tơkêa bro, chiâng tơdjâk hên troh ‘na tuăn tơmiât, tuăn ngôa dêi kuăn pơlê ki ối tung kơpong mê [ă pro pá ăm tơdroăng vâ pơtối pêi mâu tơdroăng cheăng tơkêa bro ki pơtối. Pôa Hạnh xuân ăm ‘nâi, Vi [an kong pơlê Kon Tum hiăng hơ’lêh tơdroăng cheăng ăm kơ koan ko\ng an vâ séa ngăn mơnhên, hlối pơkâ pơxâu phâk kơtăng mâu kăn [o# ki ai xôi.

‘’Vi [an hnê ngăn kong pơlê xuân hiăng hlo tung tơku\m pêi pro hlo ai mâu kăn [o#, mâu ngế hriăn pro tơdroăng ki vâ kâ tung pơla pêi cheăng pro hlá mơ-éa vâ xo liăn ki chêl thiăn ăm kuăn pơlê xua xe\n tơnêi tíu mê vâ pro pơxúa ăm tơná, vâ hriăn tăng troăng vâ hơ’lêh xo tơnêi pro chiâng ai tơdroăng ki ôh tá tơniăn ‘na chêl thiăn liăn xe\n tơnêi tíu. Ai kăn [o#, ko\ng chưk dêi tơring cheăm pơlê dêi kơvâ ki pêi hnoăng cheăng mê hiăng pro tơdjâk troh tơdroăng thế mơnhên tối tro yă tơnêi khât. Mâu tơdroăng kố Vi [an kong pơlê hiăng pơtroh ăm kơ koan Ko\ng an pơlê kong kơdrâm [ă kong an kong pơlê séa mơnhên ngăn [ă hlối pơxâu phâk kơtăng tro tiô luât’’.

Kơ’nâi châ hlo mâu kăn [o# pro hlá mơ-éa chêh tơdroăng pơkâ chêl thiăn liăn xe#n tơnêi tíu [ă yă lối kơnâ, hlo ai tơdroăng ki vâ pro pơxúa ăm tơná, hriăn vâ hơ’lêh xúa xêh tơnêi, tơdjâk troh tơdroăng ôh tá vâ pro tro tiô yă ki pơkâ khât ‘na tơnêi, pro chiâng ai tơdroăng ôh tá tơniăn ‘na chêl thiăn tơnêi a péa tơdroăng tơkêa bro troăng prôk ki kal dêi kong pơlê cho troăng ki tơdjêp sap troăng kân Hồ Chí Minh ki tơkâ luâ troăng kân 24 [ă troăng kân ki vâ ví troăng kân Hồ Chí Minh tơkâ luâ kong pơlê Kon Tum, Vi [an kong pơlê Kon Tum xuân hiăng pơkâ ăm séa  ngăn nếo tơdroăng chêl thiăn liăn ‘mâi xe\n tơnêi tíu [ă 8 tơdroăng tơkêa bro a kơpong ki thế re\ng mơjiâng pro péa tơdroăng tơkêa kố./.

Khoa Điềm chêh

Gương tơplôu [ă tơbleăng