VOV4.Sêdang - Kơxo lơ 31/3, tơdroăng tối ing Hngêi pơkeăng kân kong pơlê Kon Tum ăm ‘nâi ngế ki hiăng krâ má môi tung Khu 4 ngế ki tro hơ-ou kế kâ a tơring Kon Plông hiăng hlâ. Ngế ki hlâ mê cho jâ Y Xuân, 65 hơnăm, pơlê Kon Du, cheăm Măng Cành, tơring Kon Plông.

Kon Tum: Ngế ki hiăng hên hơnăm tung khu mâu ki tro hơ-ou kế kâ a tơring Kon Plong hiăng hlâ

A pơla ki mot pơlât a hngêi pơkeăng jâ Xuân kơtêi kơtâu chôa, klêi pro plâi nuih kơtâu ôh tá tơniăn, pa kâi hiâm, ăm hlo tro rơtốu troăng klêa, ăm hlo chiâng ‘mêi troăng klêa. Ngế ki mê hiăng hơ’leh mơheăm tâi tâng 3 hdrôh. Nôkố, 3 ngế ki u ối tung khu ki tro hơ-ou dế pơtối pơlât a Khoa Hồi sức Cấp cứu ƀă mơdât hơ-ou.

Mâu ngế ki ê dế hiâm ƀă kơmăi la ivá chiâ tâ iâ, mâu kơxŏ ki tơniăn  tâ drêng mot pơlât a hngêi pơkeăng. Ki xahpá nôkố tung tơdroăng pơlât ăm mâu ngế ki cho ôh tá ai pơkeăng ki xêt vâ pơlât prêi, hâi ăm ‘nâi khăm ngăn mơheăm, trếo ‘mêi hiăng mot tung mơheăm, mơni thế pơlât ton hâi.

Gương tơplôu ƀă tơbleăng