VOV4.Sêdang - Vi ƀan hnê ngăn kong pơlê Kon Tum nếo pơkâ pêi pro tơdroăng tơkêa kơdroh tơdroăng ki xo dêi ối tá hâi tro hơnăm ƀă xo dêi rơpó ối môi mơheăm chhá a kong pơlê hneăng hơnăm 2021 – 2025 vâ veăng kum mơdêk tơdroăng ki hlê plĕng ƀă tơdroăng ki hlê ‘nâ luât, hơ’leh tơdroăng pêi pro tung tơdroăng ki xo on veăng dêi kuăn pơlê hdroâng kuăn ngo, veăng kum pro kơdroh tơdroăng ki xo dêi rơpó tá hâi tro hơnăm, xo dêi rơpó ối môi mơheăm chhá a kơpong hdroâng kuăn ngo.

Ki ê kô mơ-eăm ai lối 90% kăn ƀô̆ pêi cheăng ‘na hdroâng kuăn ngo rêm râ, kăn ƀô̆ ‘na mơhno túa lĕm tro pơlê pơla châ hnê hriâm mơdêk ki hlê plĕng, tơdroăng ki mơhnhôk, tiâ mơnhên, tối tơbleăng tung um tơvi teăng ăm tơdroăng ki pêi pro ‘na xo dêi rơpó tá hâi tro hơnăm, xo dêi rơpó ối môi mơheăm chhá a kơpong hdroâng kuăn ngo a hơnăm 2025. Tơdrêng amê troh hơnăm 2025, mơ-eăm mơdât, kơdroh tơdroăng ki xo dêi rơpó tá hâi tro hơnăm ƀă xo dêi rơpó ối môi mơheăm chhá a kơpong hdroâng kuăn ngo.

Nga tơplôu ƀă tơbleăng