VOV4.Sêdang - Drêng hâi tâi tâng kuăn pơlê pleăng mơheăm lơ 7/4, pơxá “Pleăng kơto mơheăm – Diâp ăm tơdroăng ki rêh”, Khu hnê mơhnhôk pleăng mơheăm kong pơlê Kon Tum tơkŭm po Leh mitting ƀă lối hrĭng ngế veăng pleăng mơheăm. Hơnăm 2020 rêm khế Khu lo tŏng veăng kong pơlê tơrŭm ƀă mâu tíu pêi cheăng tơkŭm po 3 troh 5 rôh pleăng mơheăm châ xo lối 5.300 tơdrong mơheăm tơkâ luâ tơdroăng ki pơkâ mơ’no.

Tơdah xo mơheăm sap ing mâu ngế ki pleăng

Nôkố, lâp kong pơlê ai lối 9 rơpâu ngế chêh inâi pleăng mơheăm, rak vế 7 to Kâu lak ƀô̆ pleăng mơheăm ƀă Tíu ‘măn rak mơheăm drêh ƀă lối 480 ngế veăng hbrâ rơnáu pleăng mơheăm tŏng mơngế tung mâu tơdroăng ki kal má môi. Klêi kơ’nâi leh mitting pêi pro hâi tâi tâng kuăn pơlê pleăng mơheăm lơ 7/4, Hngêi pơkeăng kân kong pơlê Kon Tum tơkŭm tơdah xo lối 200 tơdrong mơheăm sap ing mâu ngế ki pleăng.

Katarina Nga tơplôu ƀă tơbleăng