VOV4.Sêdang - Hâi lơ 2/4, a pơlê kong kơdrâm Kon Tum, Khu kăn Đảng kong pơlê Kon Tum tơkŭm po hneăng hôp roh má 3 Khu kăn xiâm Đảng kong pơlê hneăng 16. Môi tung hên tơdroăng châ Hneăng hôp tơpui tơno cho tơdroăng mơjiâng thôn pơlê nếo. Troh nôkố, kong pơlê Kon Tum ai 28 to cheăm châ mơnhên tối mơjiâng thôn pơlê nếo. Pakĭng mê, ai 10 to cheăm châ mơnhên tối pê klêi sap 15- 18 tơdroăng pơkâ; 45 to cheăm pêi châ sap 10 - 14 tơdroăng pơkâ ƀă 2 to cheăm châ mơnhên tối pêi xap 8-9 tơdroăng pơkâ.

Pôa Dương Văn Trang, Kăn pơkuâ hnê ngăn Đảng tơpui a roh Hôp

Khu Kăn Đảng kong pơlê Kon Tum pơkâ tung 5 hơnăm la ngiâ mơ-eăm khŏm ai 4 tơring ƀă pơlê kong kơdrâm Kon Tum châ mơnhên tối thôn pơlê nếo lơ pê klêi tơdroăng pơcháu mơjiâng thôn pơlê nếo. Vâ pê klêi tơdroăng pơkâ, Khu kăn Đảng kong pơlê Kon Tum pơkâ kố tơbleăng, pê klêi 8 khu tơdroăng cheăng, troăng hơlâ, môi tiah: mơdêk tơdroăng hnê tối ‘na mơjiâng thôn pơlê nếo; mơdêk ki tơ-ƀrê tung pơkâ, rak ngăn ƀă pêi tiô pơkâ malối cho ‘na mơnhông pêi chiâk, mơjiâng thôn pơlê, ‘no liăn mơjiâng pro tơmeăm khoăng mơnhông cheăng kâ - rêh ối thôn pơlê rơtế ƀă tơdroăng mơnhông kơphô̆; pơtối mơnhông pêi chiâk mơdêk pêi lo kế tơmeăm ăm kuăn pơlê, mơnhông ‘na hnê hriâm, ‘na khăm pơlât, mơhno túa lĕ tro ƀă hên ki ê.

Gương tơplôu ƀă tơbleăng