VOV4.Sêdang - Mơdêk tơdroăng hbrâ mơdât pơreăng COVID-19, hlối tơkŭm mơnhông cheăng kâ-rêh ối, pơkâ mơ-eăm pêi tơ-ƀrê “ tơdroăng pơkâ pêi pro tâk péa hdroh” cho tơdroăng ki xiâm châ pôa Lê Ngọc Tuấn, Kăn phŏ hnê ngăn Đảng kong pơlê, Kăn hnê ngăn Vi ƀan kong pơlê tơmâng khât hlối tối nhên a Hneăng hôp tiah hmâ khế 5 dêi Vi ƀan kong pơlê Kon Tum.

Tung 5 khế apoăng hơnăm, tơdroăng cheăng kâ - rêh ối dêi kong pơlê tơniăn, mơnhông tơ-ƀrê ƀă pêi pro hên tơdroăng tung tâi tâng mâu tơdroăng cheăng. ‘Na pêi chiâk,  riân troh hâi lơ 15/5, mâu tơring tung kong pơlê hiăng klêi pôe dêi báu rơnó xeăng tô - rơnó rơxăm; tơdroăng cheăng rak ngăn, rak kong châ pêi pro tơ-ƀrê. Tơdroăng mơjiâng thôn pơlê nếo châ mâu kơvâ cheăng, kong pơlê tơbleăng pêi a 28 to cheăm hiăng châ mơnhên tối thôn pơlê nếo.

Tung 5 khế apoăng hơnăm, kế tơmeăm tê ăm kong têa ê pơtối tâk tâi tâng kơxô̆ liăn riân châ 92,5 rơtuh dollar. Kăn hnê ngăn kong pơlê Kon Tum thế mâu tíu pêi cheăng, kơvâ cheăng kong pơlê pơtối pêi kơtăng, tơdrêng, tơ-ƀrê mâu tơdroăng cheăng, ƀă troăng hơlâ mơnhông cheăng kâ, rêh ối ƀă tơdroăng hbrâ mơdât pơreăng COVID-19 châ tơ-ƀrê, hlối tơkŭm mơnhông cheăng kâ, mơ-eăm pê klêi tơdroăng pơkâ “Pêi hên tâ péa hdroh”.

Gương tơplôu ƀă tơbleăng