VOV4.Sêdang - Tiú xiâm tí tăng ‘nâi plĕng ‘na kong prâi, ‘na têa rơlŏn lân kân - Viê̆n Vật lý Địa Cầu (cho Viện Hàn Lâm Khoa hok ƀă Công nghệ Việt nam) ăm ‘nâi, a 3chôu 18phut hâi lơ 5/5, môi roh tơnêi tơdro têi 2,6 a kơpong tơring Kon Plông, kong pơlê Kon Tum.

Ki xía vâ dêi rôh tơnêi tơdro a râ xơrô. Xuân tiô Tíu xiâm tối ăm ‘nâi ‘na tơnêi tơdro ƀă tơbleăng hdrối têa rơlŏn lân kân tối, tung mâu hâi hdrối kố nah, a kong pơlê Kon Tum pơtối trâm tơnêi tơdro têi. Mê cho tung hâi lơ 4/5 , môi roh tơnêi tơdro têi 3,0 a kơpong tơring Kon Plông. Hdrối mê, tung lơ 2/5, xuân a tơring Kon Plông, kong pơlê Kon Tum hiăng ai 2 rôh tơnêi tơdro.  Lơ 1/5 xuân hiăng ai 2 rôh tơnêi tơdro a kơpong tơring Kon Plông, kong pơlê Kon Tum.

Tiah mê, bú riân sap apoăng khế 5 troh nôkố, Kon Tum hiăng ai lối 6 rôh tơnêi tơdro. Tíu xiâm tối tơbleăng tơdroăng ‘na têa rơlŏn lân kân, Viện Vật Lý Địa Cầu dế pơtối mơnhên ngăn ‘na tơdroăng xâu xía kố.

Gương tơplôu ƀă tơbleăng