VOV4.Sêdang - Pêi pro tơdroăng pơkâ Hneăng hôp Đảng ƀô̆ kong pơlê Kon Tum rôh má 16 ‘na tơdroăng ki pêt 15 rơpâu ha kong, nôkố mâu tơring, pơlê kong kơdrâm dêi kong pơlê Kon Tum pơxiâm tơbleăng tơdroăng ki pêt kong tung lâp lu. Vâ tơdroăng pêt kong châ tơƀrê ƀă kơxô̆ loăng ki rêh hên, khu kăn pơkuâ ƀă kơvâ pêi chiâk deăng dêi kong pơlê hiăng hbrâ rơnáu ‘na hdrê xuân môi tiah ƀăng tơnêi vâ pêt kong.

Kon Tum pơxiâm tơbleăng pêt kong tung lâp lu

Veăng pêt kong, mâu khu tơrŭm, mâu ngế krê ƀă kuăn pơlê châ khu kăn pơkuâ ƀă kơvâ pêi chiâk deăng kong pơlê tŏng kum ăm hdrê pêt, pơkeăng xôh kơdê oâ hdrong kâ ‘nhiê rơtế ƀă môi iâ liăn vâ mơhá ăm mâu ngế ki pêi cheăng.

Ki xiâm pơkâ mơ’no dêi kong pơlê Kon Tum tung hơnăm kố cho pêt châ 3 rơpâu ha kong, la ki khât ăm hlo ai hên mâu tơring, cheăm ki ‘nâ kôpêt tơkâ luâ ƀăng tơnêi ki châ pơcháu.

Nga tơplôu ƀă tơbleăng