VOV4.Sêdang -  Pêi pro tiô troăng hơlâ dêi Đảng, Tơnêi têa, tung mâu hơnăm hiăng hluâ, Khu pơkuâ cheăng Đảng kong pơlê, Hô̆i đong kuăn pơlê, Vi ƀan kong pơlê Kon Tum tơmâng, rak ngăn mơnhông pơlê cheăm kơpong vâi krâ hdroâng kuăn ngo ƀă ngăn kố cho môi tung mâu hnoăng cheăng ki kal vâ mơnhông cheăng kâ – rêh ối pơlê pơla a kong pơlê krá tơniăn.

Ki nhên, tơdroăng 135 ối tung Tơdroăng pơkâ xiâm tơnêi têa kơdroh kơtiê krá tơniăn hneăng hơnăm 2016 – 2020 hiăng tŏng kum lối 74 rơtal liăn vâ mơ’no liăn mơjiâng hngêi trăng, troăng klông, mơnhông pêi kâ, ai hên tơdroăng cheăng, po rơdâ troăng kơdroh kơtiê, mơdêk ivá ăm pơlê pơla ƀă kăn ƀô̆ pêi cheăng a mâu cheăm pá puât, cheăm tíu tơkăng kong, cheăm tơniăn kơpong, mâu thôn, pơlê ki pá puât.

Đảng, Tơnêi têa tơmâng troh mâu ngế ki kuăn pơlê loi tơngah tung kơpong vâi krâ hdroâng kuăn ngo. Tơnêi têa hiăng mơ’no vâ chê 3 rơtal liăn vâ mơhnhôk mâu ngế ki kuăn pơlê loi tơngah, xing xoăng ăm tơmeăm khoăng, xing xoăng ăm hlá tơbeăng vâ pơchuât, tơkŭm po hnê mơhno tơdroăng ki kal ƀă hriâm tâp túa ki rơkê tơtro.

A Sa Ly tơplôu ƀă tơbleăng