VOV4.Sêdang - Tơring Đăk Tô thế hnê mơhno rêm khu tơrŭm cheăng kal kí, khu râ vâ tơdroăng cheăng hnê tối, mơhnhôk kuăn pơlê pêi pro tơdroăng tro hbrâ mơdât pơreăng. Kố cho tơdroăng hnê mơhno dêi jâ Y Ngọc, Kăn phŏ hnê ngăn Vi ƀan kong pơlê Kon Tum klêi lăm séa ngăn tơdroăng hbrâ mơdât pơreăng a mơngế a tơring Đăk Tô cho tơring ki ai ngế tâ pơreăng tơngê lo mơheăm hên má môi ƀă 22 ngế tâ tú tung tâi tâng kơxô̆ 33 ngế ki tâ tú sap ing apoăng hơnăm troh nôkố. 

Kăn hnê ngăn Vi ƀan tơring Đăk Tô ăm ‘nâi tơ’nôm, pakĭng 22 ngế tơngê lo mơheăm, kong pơlê kố ối ai 69 ngế lo pơreăng kơtuâ prâp. Tơring Đăk Tô hiăng ƀă dế mơdêk tơbleăng mâu tơdroăng hbrâ mơdât pơreăng tối tơchoâm, tơngê lo mơ-heăm ƀă thĕn kŏng chêng rơkong tối krê. Ƀă mâu tơdroăng hbrâ mơdât pơreăng COVID -19 mâu cheăm, pơlê kân tung tơring Đăk Tô hiăng mơjiâng mâu tôh lăm séa ngăn, tí tăng ngăn, hnê mơhno tơdroăng hbrâ mơdât pơreăng a mâu tíu ki tâ tú pơreăng ƀă tíu tơ’lêi tâ tú.

 Gương tơplôu ƀă tơbleăng