Sap apoăng hơnăm troh nôkố, tơring tơkăng kong Ngọc Hồi, kong pơlê Kon Tum châ hlo 57 rôh pro xôi luât kong. Tung mê, ki rơhêng vâ tối ai 41 rôh tê, roê, kơtoâ loăng ôh tá tro luât dêi tơnêi têa, 9 rôh pơto chơ loăng ôh tá tro luât, 1 rôh ko ’nhiê kong [ă kong tro ko ’nhiê lối 5.500 met karê.

Tơdroăng ki rơhêng vâ tối a kố cho mâu rôh ki pro xôi luât châ khu ki ai tơdjâk troh châ hlo, hên rôh cho sap ing tơdroăng ki tối tơbleăng dêi kuăn pơlê. Pôa Dương Thanh Thế, kăn pho\ pơkuâ rak ngăn loăng pơlái kuăn kiâ kong tơring Ngọc Hồi tối tiah kố, mê cho tơdroăng ki mơdêk hnoăng cheăng tối tơbleăng ki rơkê ple\ng, ’nâi luât rak ngăn, rak vế kong [ă mâu kuăn pơlê a tơring:

’’Sap ing a poăng hơnăm troh nôkố, khu rak ngăn kong tơring tơru\m [ă mâu cheăm tơku\m po đi đo tơdroăng ki tối tơbleăng ’na hnoăng cheăng rak ngăn kong troh rơpo\ng kuăn pơlê. Túa ki xiâm cho to\ng kum tơku\m po mâu rôh hôp thôn, hnê tối ’na luât rak ngăn kong, tơdrêng a mê hnối tơku\m po mâu tơdroăng ’na ki ’no hrê liăn ăm tơdroăng rak ngăn kong.

Riân sap ing a poăng hơnăm tung tơring hiăng tối tơbleăng troh a 7 to cheăm, pơlê kân. Rêm khế tối tơbleăng a mâu thôn môi rôh. Ing tơdroăng ki tối tơbleăng rơkê ple\ng dêi kuăn pơlê hiăng châ mơdêk khât. Hnoăng cheăng dêi kuăn pơlê rak ngăn [ă rak vế kong xuân hiăng châ mơdêk hên khât’’.

Ai hnoăng cheăng rak ngăn vâ chê 56.300 ha kong, [ăng tơnêi ki kân rơdâ tung péa tơring Sa Thầy [ă Ngọc Hồi, Khu rak ngăn Kơdrum kong i lâng }ư\ Mang Mrai mơnhên, [ă 106 ngế kăn [o#, mâu ngế cheăng tâng ôh tá ai kuăn pơlê mê ôh tá kâi rak ngăn kong môi tiah dế kố. Xua mê, môi tung mâu hên troăng hơlâ ki tíu cheăng kố pơkâ pêi pro mê cho mơdêk ki hlê ple\ng, ’nâi luât pơkâ ’na rak ngăn [ă pêt mơjiâng kong ăm kuăn pơlê tung tơring.

Riân tung 6 khế a poăng hơnăm kố, Khu rak ngăn Kơdrum kong i lâng }ư\ Mang Mrai hiăng tơku\m po 136 rôh tối tơbleăng [ă lối 3 rơpâu ngế kuăn pơlê veăng pêi. Pák^ng mê, ối tơku\m [ă rak vế tơdroăng cheăng pêi dêi Kâu lăk [o# ngiât a 10 hngêi trung hriâm [ă vâ chê 300 ngế hok tro veăng a kơpong dêi kơdrum a péa tơring Sa Thầy [ă Ngọc Hồi.

Tiô pôa Võ Sỹ Chung, kăn pơkuâ Khu rak ngăn Kơdrum kong ilâng }ư\ Mang Mrai tối, kố cho môi troăng hơlâ ki kal ’na ki ton xo\n vâ rak ngăn kong châ tơ-[rê:

’’Ngin hiăng tối tơbleăng ăm mâu vâi o hok tro mâu tơdroăng ki hlê ple\ng ’na Kơdrum kong i lâng }ư\ Mang Mrai. Mê nếo kum vâi o ’nâi ’na hnoăng cheăng dêi kong, dêi kuăn kiâ, kế tơmeăm kong [ă mâu vâi o tung rêh ối. Rơkê ’na mâu tơdroăng ki kơnía git dêi tơdroăng rak ngăn kong kế, nhâ loăng ki chiâng xêh. Kum ăm vâi o ’nâi túa ki lâi pro kơdroh ’mêi troh kong kế ki chiâng xêh [ă kum ăm vâi o hâk vâ [ă kong tâ. Mâu vâi o cho ngế ki tối tơbleăng tơdrêng troh dêi mâu nho\ng o, nôu pâ pơlê, cheăm rơtế [ă dêi rơpó rak ngăn kong ki chiâng xêh’’.

Ki khât gá ăm hlo, rơtế [ă tơdroăng ki mơdêk pêi pro tiô luât dêi khu ki ai tơdjâk, tơdroăng ki 22 tíu cheăng pơkuâ ngăn kong cho tơku\m, 74 Vi [an hnê ngăn cheăm, pơlê kân a kong pơlê Kon Tum mơdêk ki rơkê ple\ng, ’nâi ple\ng luât dêi kuăn pơlê hiăng kum ăm tơdroăng rak ngăn lối 361.500 ha kong châ ’no mơhá ăm tơdroăng ki rak ngăn kong rế hía rế mơdêk ki tơ’lêi hlâu [ă pêi pro krâu tâ.

Katarina Nga tơplôu [ă tơbleăng