VOV4.Sêdang - Vi ƀan hnê ngăn kong pơlê Kon Tum nếo tơkŭm po hôp ‘no tơdrêng tung um tơvi ƀă mâu tơring, pơlê kong kơdrâm tiah hmâ khế 3 vâ mơnhên tối tơdroăng ki mơnhông mơdêk cheăng kâ rêh ối pơlê pơla hneăng má 1; tơbleăng túa pơkâ, hnoăng cheăng hneăng má 2. Tung pơla sap ing khế 1 troh khế 3 hơnăm 20201, maluâ trâm hên xơpá, pơloăng mơnúa xua tơdjâk dêi pơreăng Covid-19, tơdroăng cheăng kâ rêh ối pơlê pơla kong pơlê Kon Tum pơtối tơniăn, mơnhông ƀă châ tơdroăng ki tơbrê, rak tơniăn pêi klêi tơdroăng pơkâ.

Tâ tá rôh hôp

Vâ pêi pro tro mâu tơdroăng pơkâ, mơnhông mơdêk cheăng kâ rêh ối pơlê pơla hơnăm 2021, tung pơla sap ing khế 4 troh khế 6, Vi  ƀan hnê ngăn kong pơlê Kon Tum pơkâ mơ’no mâu hnoăng cheăng ki kal: Tơbleăng túa pơkâ pêt báu rơnó Xeăng tô hơnăm 2021; séa ngăn ƀăng tơnêi klâng ki đi đo ôh tá ai têa tôh, mơhnhôk kuăn pơlê hơ’leh pêt hdrê loăng ki ê tơbrê; hbrâ tŭm hdrê pêt ƀă mâu tơdroăng ki kal vâ pêt 3 rơpâu ha kong ƀă 5 rơtuh to xiâm loăng tơprâ tơprŭng a kong pơlê, mơeăm pêt châ 900 ha kong.

Katarina Nga tơplôu  ƀă tơbleăng